Югьан 8:34 - Гирами Китаб

³⁴ Исайи дурариз жаваб туву: – Гьякьлу вуйи гьякь кӀуразачвуз: гьарсар шли гунагь апӀураш, гунагьвалин лукӀ ву.

Югьан 8:34 Referans Kwoze

Рим агьларихьна вуйи кагъаз 6:16

Учвуз аьгъдарди анчвузхъа, учву шлин ихтиярнаъ мютӀюгъ хьуз лукӀарси учӀвраш, гьадгъан лукӀар шулачва, гьаци – аьжалихъна хру гунагьвалин лукӀар, ясана гьякьвалихъна хру Аллагьдихъ хъпехъувалин лукӀар шулачва,

Петрин-2 2:19

Дурари, чпи пуч шулайи лукӀʼвалиъ ахънайидари, дурариз азадвал тувуз гаф туври шулу. Фуж фтиз мютӀюгъ шулаш, думу гьаддин лукӀ шула.

Насигьятар 5:22

Гьякьсузур чан писвалин чулиъ ахъди, чав апӀури гъаши гунгьаригъ гъярсди.

Рим агьларихьна вуйи кагъаз 6:12

Гьаддиз гунгьари ичв аьжал хъайи бедендиин аьхювал апӀуз мигъитанай ва дидин тямягьариз мютӀюгъ махьанай.

Рим агьларихьна вуйи кагъаз 6:6

Ихь гунагькар хасиятну ухьʼин гьюкум дарапӀбан бадали ва сарун ухьу гунгьарин лукӀар дархьбан бадали, ихь йирси уьмур Исайихъди сатӀиди хачрак кабсуб аьгъяхьуз.

Титдиз 3:3

Улихьди ухьура ахмакьарди гъахьидар вухьа: кӀулʼин зигрудар, алдатмиш дапӀнайидар, хьуз мумкин вуйи вари тямягьярин ва ягь адру кьукьарин лукӀар вуйхьа, хъюлу ацӀну ва гъанихвали ургури яшамиш шули гъахьунхьа, чиб-чпин хъял ади ва чиб-чпи даккунди гъахьунхьа.

Эфес 2:2

ва, гьаму дюнʼяйиъ фици апӀури гъахьнуш, учвура Аллагьдиз къаршуди удучӀвнайидариъ айи рюгьнан гьавайиъ айи чӀуру кьувватарин аьхюрин хиликкди гьаци апӀуйчва.

Рим агьларихьна вуйи кагъаз 7:25

Ихь Агъа Иса Месигьдилантина ухьу уьрхру Аллагьдиз баркаллагь! Гьаддиз, узу сар вуди, йиз фагьум Аллагьдин Къанундин гъуллугънаъ а, хъа йиз беден гунагьнан гъуллугънаъ а.

Паччагьлугъар-3 21:25

(Чан хпир Изавели хъаъну, РАББИЙИН уларикк писвал апӀуз кьаст гъапӀу Ахавдиз барабар вуйир гьеле гъахьундайи.

Рим агьларихьна вуйи кагъаз 7:14

Ухьуз Къанун рюгьнануб вуйиб аьгъяхьуз, хъа узу, беден ади, гунгьиз лукӀди тувнади гъахьунзу.

Ляхнар 8:23

Гьаз гъапиш рякъюразузки, яв жан кьутӀкьли бахилвалихьди абцӀна ва уву гьякьсузвали йисир дапӀнаву.

Югьан 3:3

Исайи дугъаз жаваб вуди кӀуру: – Гьякьлу вуйи гьякь кӀуразавуз: анжагъ учв цӀийикӀултӀан бабкан гъаширихьантӀан Аллагьдин Паччагьлугъдиъ учӀвуз хьибдар.

Матта 5:18

Фицики дюзди кӀуразачвуз, гьелелиг заварна жилар имиди, дибикӀнайиб вари тамам дархьикьан гагьди, Къанундиан гьич саб гьярфкьан, ясана саб цӀаркьан дубгидар.