Югьан 8:12 - Гирами Китаб

¹² Кьандиси халкьдихъди Иса хъана улхуру: – Узу му дюнʼяйиз акв вуза. Фуж Узухъди гъахьиш, дицир мучӀушнаъ улдугну хьидар, дицирихъди уьмрин акв хьибди.

Югьан 8:12 Referans Kwoze

Югьан 12:46

Узу акв вуза ва Узухъ хъугъру гьарсар мучӀушнаъ гъудрузбан бадали дюнʼяйиз дуфназа.

Югьан 9:5

Сабан Узу дюнʼяйиъ имиди, Узу дюнʼяйиз акв вуза.

Югьан 12:35

Исайи дурариз кӀуру: – СацӀиб вахтнаътӀан акв учвухъди гъубзидар. Гьаци вуйиган, Учву мучӀушну ккадраъбан бадали, сабан акуди имиди, гъарахай. Фицики фуж мучӀушнаъди гъяраш, гьацириз учв наанди илтӀикӀнашра, аьгъдар.

Матта 5:14

Учву дюнʼяйин акв вучва. Дагъдиин али шагьур дярябкъди гъубзидар.

Югьан 3:19

Диван апӀувал гьаддиъ аки, дюнʼяйиз акв гъафну, хъа адмийириз аквтӀан мучӀушин артухъди ккун гъабхьну, гьаз гъапиш дурарин ляхнарра чӀурудар ву.

Петрин-2 2:4

Аллагьди гьеле малайикаркьан гьяйиф гъапӀундар; дурари гунагь гъапӀиган, жегьеннемдиъ дурар уржнийи ва гьаммишандин мучӀушнан зунжрарихьди суддин Йигъ гъяйиз дитӀнийи.

Ляхнар 13:47

Агъайи гьамци табшурмиш гъапӀунчуз: «Уву вари дюнʼя уьбхбан бадали, Узу Увкан жара миллетариз чирагъ гъапӀунза».

Ляхнар 26:23

Месигь йикӀиди ва гъийихдарикан сарпирди, гъачӀихъан, чӀиви хьиди, ва Дугъу гьам жугьдариз, гьамсана жара халкьариз акв хибди.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Югьан 7:17

Шлиз Дугъан ният тамам апӀуз ккундуш, гьацириз гьаму аьгъюваларикан аьгъю хьибди, дурар Аллагьдихьан вуш, даршиш Узу Йиз Узкан кӀурайидар вуш.

Ачмиш 21:24

Халкьар Дугъан аквнаъди гъягъиди ва дюнʼяйин паччгьари душваз чпин заанвал хибди.

Ягьудайин 1:13

Гьюлин вягьши лепйирси, дурар, чпин ягьсуз ляхнар, чиркин кафси, зиина алдаърудар ву. Дурар аьсрариан-аьсрариз пис мучӀушназ гьязур дапӀнайи, улдугну завариъ уьргънайи хядар ву.

Петрин-2 2:17

Дурар дерццнайи булагъар ву. Дурар, гужал микӀари гьирчнайи кӀару кьюкь-дифар ву! Дурариз гьаммишандин жегьеннемдин мучӀушин ккилибгура.

Ягьудайин 1:6

Узуз гьацира малайикариканра кӀваин апӀуз ккундузуз: дурарихьан чпиз туву гьюкум уьбхюз гъабхьундайи ва чпи яшамиш шулайишвар гатӀахьнийи. Агъайи дурар, суд апӀру зурба Йигъ гъяйиз, гьаммишандин зунжрарихьди мучӀушнаъ уьрхюра.

Югьан 12:36

Хъа сабан учвуз аку апӀурамиди, аку аквнахъ хъугъай ва аквнан веледар хьидичва! Гьаму гафар дупну, Иса гъягъюру ва дурарихьан жин шулу.

Югьандин-1 1:6

Эгер ухьу, Дугъак ктикьунхьа кӀураш, хъа мучӀувалиъди гъяраш, ухьу кучӀлар апӀурахьа ва гьякьвалиъди яшамиш шуладархьа.