Югьан 7:7 - Гирами Китаб

⁷ Му дюнʼяйихьан учву даккун апӀуз хьибдар, хъа Узу даккунди ву, фицики Узу дидин вари ляхнар писдар, гунагьвалиндар ву, кӀураза.

Югьан 7:7 Referans Kwoze

Югьан 3:19

Диван апӀувал гьаддиъ аки, дюнʼяйиз акв гъафну, хъа адмийириз аквтӀан мучӀушин артухъди ккун гъабхьну, гьаз гъапиш дурарин ляхнарра чӀурудар ву.

Галат 4:16

Гьамус фу дубхьна? Учвуз гьякьнакан гъапну кӀури, узкан ичв душман духьнайин?

Югьандин-1 4:5

Ари гьадрар – му дюнʼяйиндар ву. Гьаддиз дурари кӀурайибра гьаму дюнʼяйикан ву ва дюнʼяйиндар гьадрарихъ хъпехъурира ву.

Якьубдин 4:4

Дюз дарудар, учвуз аьгъдарди айчвуз, гьаму файдасуз дюнʼяйихъди хьувал – Аллагьдихъди апӀурайи дяви вуйиваликан? Шлиз гьаму файда ктру дюнʼяйихъди дуст духьну ккундуш, думу Аллагьдиз душманди удучӀвура.

Югьан 17:14

Узу Яв Гаф дурариз улупунза, гьаддиз му дюнʼяйи дурар даккун гъапӀну, гьаз гъапиш дурар му дюнʼяйиан даруган, Узу му дюнʼяйиан даруганси.

Рим агьларихьна вуйи кагъаз 8:7

Гьаз мици ву? Гьаз гъапиш бедендин тямягьарикан вуйи фикрар Аллагьдиз душмнар ву. Дурар Аллагьдин Къанундиз табигъ шулдар, я табигъ хьузра шулдар.

Паччагьлугъар-3 21:20

Ахавди Илʼяс пайгъамбриз гъапнийи: – Гьаци, увуз узу гъидихъунвуз, йиз душман! – Гъидихъунзуз, – жаваб тувнийи дугъу, – гьаз гъапиш уву РАББИЙИН уларикк писвал апӀуз кьаст гъапӀунва.

Насигьятар 8:36

Хъа узуз къаршу вуйири, апӀура чав учв пуч: узу даккун апӀрур аьжал ккун апӀрур ву.

Лука 6:26

Учвкан жарадар ужуди улхруганра, пис гьял хьибди ичв, фицики дурарин абйири кучӀлин пайгъамбрариканра гьаци апӀури гъахьну.

Насигьятар 15:12

Ягьсузриз учв дюз алаъну ккундар, ва, аькьюл айидарин арайиъ гъузузра гъузидар.

Паччагьлугъар-3 22:8

Израилин паччагьди Югьушафатдиз жаваб тувнийи: – Ухьхьан чаллантина РАББИЙИХЬАН гьерхуз шлу сарсана инсан а. Хъа узуз думу дяркънукьан ккундарзуз, гьаз гъапиш дугъу, узкан шлуб улихь ккимиди кӀуруган, гьеле саб вахтнара ужуб гъапундарзуз, анжагъ харжибтӀан. Думу Имлайин бай Михей ву. – Паччагь, уву дици макӀан, – гъапнийи Югьушафатди.