Югьан 7:42 - Гирами Китаб

⁴² Гирами китабариъ, Месигь Давудрин насликан ва Давуд бабкан гъахьи Вифлеем шагьриъ Думу бабкан хьиди, кӀура.

Югьан 7:42 Referans Kwoze

Матта 2:5

– Ягьудияйин Вифлеем шагьриъ, – жаваб тувру дурари, – фицики Пайгъамбрин Китабдиъ дибикӀна:

Лука 2:4

Галилей уьлкейиъ айи Назарет шагьриан Ягьудия уьлкейиъ айи Давуд бабкан гъахьи Вифлеем кӀуру шагьриз Юсуфра гъягъюру, фицики думу Давудгъярин тухмиан вуйи.

Лука 2:11

гъи Давудрин шагьриъ учву гунгьариккан азад АпӀрур, Агъа Месигь, бабкан гъахьну.

Матта 1:1

Магьа Ибрагьимдин наслиан вуйи, Давудрин тухмиан вуйи Месигь Исайин ата-бабйир:

Паччагьлугъар-1 16:1

РАББИЙИ Шамуилиз гъапну: – Саулин кьаназ дерд зигури гъуздива? Узу думу ярхла гъапӀунза – думу сарун Израилин паччагь хьидар! Зейтундин ччимдихъди кӀарч абцӀ ва рякъюъ учӀв – Узу уву Вифлеемдиан вуйи Ессейихьна гьаъраза. Дугъан баярикан сар паччагь апӀуз ктагъунза.

Паччагьлугъар-1 16:18

Сар гъаравашди гъапи: – Узуз дицир аьгъязуз. Думу Вифлеемдиан вуйи Ессейин бай ву. Дугъаз мукьмар йивуз аьгъя. Дидланна савайи, думу кӀубан, гучӀ аьгъдру эскер, фикир апӀрур ва лигуз-рякъюз ранг алир ву – дугъахъди РАББИ хъа.

Югьан 7:27

Амма ухьуз, Гьадму Кас наънан вуш, аьгъяхьуз. Хъа Месигь гъафиган, саризра аьгъю хьидар, Думу наънан вуш.

Паччагьлугъар-1 17:58

Саули дугъхьан гьерху: – Уву шлин бай вува, живан? Ва Давудди жаваб туву: – Вифлеемдиан вуйи яв лукӀ Ессейин бай.

Паччагьлугъар-1 16:4

Шамуили, чаз РАББИЙИ амур гъапӀганси, гъапӀу. Думу Вифлеемдиз гъафиган, аьхюдар гъалабулугъ кади дугъан улихьна удучӀву. – Ислягьвалиинди уву учухьна гъафунва? – гьерху дурари.

Матта 2:6

«Увура, Вифлеем, Ягьудия юрднан шагьрарин арайиъ сабдииндира бицӀиб дарва, фицики увʼан удучӀвиди Йиз Израилин халкь уьрхру Аьхюр».