Югьан 7:26 - Гирами Китаб

²⁶ Лигайчва, Дугъу ачухъди аьгъювалар улупура ва сарира Дугъаз фукӀара кӀурадар. Мумкин ву, гьякимариз Думу дугъриданра Месигь вуйиб аьгъю гъабхьнушул?

Югьан 7:26 Referans Kwoze

Югьан 7:48

Гьюкумдрарикан Дугъахъ гьич фужкӀа хъугънинхъа? Ясана фарисйирикан фужкӀа?

Филипп 1:14

Узу дустагъдиъ итну кӀури, Агъайихъди саб вуйи гизаф гъардшар, саб юкӀв айиганси, уч гъахьну ва хъана ачухъди ва гучӀ ктарди Аллагьдин гафнакан ктибтури гъахьну.

Ляхнар 4:13

Жугьдарин гьякимдрариз Петринна Югьандин дирбашʼвал дябкъну, дурар гъурхдар дару ва аьдати адмийир вуйивалин гъаври ахъну, гьаддиин мюгьтал духьнайи. Дурар Исайихъди гъахьидар вуйиб аьгъю гъабхьнийи.

Югьан 12:42

Агъсакъларин арайиъра кмиди Исайихъ хъугънайидар цӀиб адайи, хъа дурари дидкан, фарисйири чпи мистариан утӀруккбан бадали, ачухъди кӀурдайи.

Югьан 9:22

Абйир-бабари, жугьдарин гьякимарихьан чпиз гучӀруган, гьамциб жаваб тувнийи. Фицики дурари, Иса Месигь ву кӀури хъугърур гьарсар мистхьан ярхла апӀуз кьарар адабгънайи.

Лука 7:30

Хъа фарисйирна къанунчйир, Аллагьдихьан чпиз вуйи ният гьясбикк дарапӀри, Ягьʼяйихь штуан гъахьундар.

Матта 22:16

ва Дугъахьна, Гьироддин терефкрарра хъади, чпин ученикар гьаъру. Дурари Исайиз кӀуру: – Я Мялим! Учуз Уву гьякьлу кас вуйивал ва инсанар Аллагьдин дугъри рякъюъ тӀаърайивал аьгъячуз. Уву инсандин машназ, яна гъуллугъназ лигурдарва.

Насигьятар 28:1

ФужкӀа хъергнадаршра, гьякьсуз йишвʼин кдисурдар, хъа гьякьлур, асланси, ижмиди дийигънайир ву.

Лука 23:13

Пилатди, аьхюну маллйиризна гьюкумдрариз ва халкьдиз дих дапӀну,

Югьан 3:1

Фарисйирин арайиъ жугьдарин гьякимарикан сар Никодим кӀурур айи.

Югьан 4:29

– Узухъди гъачай ва узу йиз уьмриъ гъапӀу вари ляхнарикан ктиту Касдиз лигай. Мумкин ву Думу Месигь хьузра?

Югьан 7:25

Ерусалимдиан вуйи бязи агьлари кӀуйи: – Му ихь гьякимари йикӀуз ккайи Адми даринхъа?

Югьан 7:31

Халкьдикан гизафдар Дугъахъ хъугънийи ва дурари кӀуйи: «Месигь гъафиган, Дугъхьан Гьаму КасдихьантӀан артухъ аьламатар улупуз шулинхъа?»

Югьан 18:20

– Узу варидарин улихь ачухъди гъапунза, – жаваб туву Исайи. – Вари жугьдар гъюру мистаъ Узу гьарган аьгъювалар улупури гъахьунза. Узу фукӀара гьитӀибкӀну, жиниди улупундарза.