Югьан 7:19 - Гирами Китаб

¹⁹ Учвуз Къанун Мусайи тувну, гьаци даринхъа? Гьаци вушра, учвкан сарира Къанун тамам апӀурадар. Узу фтин бадали йикӀуз ккундучвуз?

Югьан 7:19 Referans Kwoze

Югьан 1:17

Аллагьди ухьуз Къанун Мусайилантина тувну, хъа ужувларна гьякьвал Месигь Исайиланмина гъафидар ву.

Югьан 11:53

Гьадму йигъхъан дурари Иса фици пуч апӀуруш, фикир апӀуз хъюгъру.

Югьан 7:1

Дидхъантина Иса Галилей уьлкейиъ лицури гъахьну, гьаз гъапиш Дугъаз Ягьудия уьлкейиз гъягъюз ккунди адайи, фицики душваъ Думу жугьдарикан бязидариз йикӀуз ккунди айи.

Матта 12:14

Душвʼан фарисйири, чӀатинди удучӀвну, Иса фици пуч апӀуруш, йикьрар йитӀуру.

Галат 6:13

Дурари, аьдатниинди чпин суннат дапӀнашра, Къанундиъ улупнайи аьдатар хъаъри шулдар. Дурариз, аьдатназ дилигну, ичв суннат апӀуз ккунди а. Гьаци дурариз чпин тяриф за апӀуз ккунду.

Галат 3:19

Дици вуйиган, Къанун гьаз ву? Думу, тахсрар артухъ хьувализ дилигну, гьадму гаф тувну гъюру «Насил» гъяйизкьан адабгънайиб вуйи. Къанун малайикариланмина ва ара сатӀи апӀрурин кюмекниинди дебккнайиб ву.

Ляхнар 7:38

ИчӀи чюлиъ уч гъашиган, Израилин халкьдихъ хъайир, чахъди Синай дагъдиин малайик гъулхур, чӀиви гафар кьабул гъапӀур, дурар ухьухьна рукьуз гъитур, ихь абйирихъди хъади гъаширра гьадму Муса ву.

Югьан 10:39

Гьадмуган дурариз Иса хъана дисуз ккун шулу, амма Думу дурарин хиларигъян гъютӀурччвуру.

Югьан 7:25

Ерусалимдиан вуйи бязи агьлари кӀуйи: – Му ихь гьякимари йикӀуз ккайи Адми даринхъа?

Югьан 5:45

Узу Адашдин улихь учву тахсир апӀур, кӀури, фикир мапӀанай. Учву тахсиркрар апӀрур Муса хьиди, фицики учву гьадгъуин умудлу вучва!

Югьан 5:18

Жугьдарин гьюкумдрари Иса, неинки Дугъу султ йигъандин къайда гъючӀюбгъну кӀури, хъа гьацира, Аллагьдин Бай вуза, кӀури, Учв Аллагьдихъди барабар апӀурайиган, айибтӀан артухъ Думу йивну йикӀуз чпин кьаст ижми апӀуру.

Югьан 5:16

Жугьдарин гьюкумдрар, Исайи му ляхин султ йигъан гъапӀну кӀури, Дугъахъ хъергуз хъюгъру.

Марк 3:6

Хъа фарисйири, удучӀвну, гьадму сяаьт Гьироддин терефкрарихъди, Иса фици пуч апӀуруш, йикьрар йитӀуру.

Марк 3:4

Хъа Исайи гьатмундариз кӀуру: – Султ йигъан гьапӀну ккунду: ужʼвал ясана писвал? Уьмур уьбхну ккундин, дарш пуч дапӀну? Хъа дурар ккебехъну гъузнийи.

Матта 21:38

Амма тӀумутӀчйири, эйсийин бай гъяркъиган, чиб-чпин арайиъ кӀуру: «Му эйсийин ирсчи ву; гъачай думу йивну йикӀухьа ва дугъан ирс ухьуз гъибтдихьа».

Марк 11:18

Аьхюдаризна къанунчйириз гьамци кӀури гъеебхьиган, Думу йикӀуз, дурар саб чара абгуз хъюгъю. Дугъхьан дурариз гучӀуйи, гьаз гъапиш вари халкь Дугъан аьгъюваларихъ аьхю иштагьниинди хъпехъуйи.