Югьан 7:15 - Гирами Китаб

¹⁵ Жугьдар мидʼин мюгьтал духьнайи. – Мугъаз наънан гьамкьан аьгъяйкӀан? – кӀуйи дурари. – Дугъу наанкӀа дурхнадар, аьхир.

Югьан 7:15 Referans Kwoze

Лука 4:22

Исайин улихь варидари гьаци вуйивал улупу ва, Дугъан мелзналан гъюрайи кабалгру гафариин мюгьтал шули, дурари гьерхри гъахьну: – Му ихь Юсуфдин бай даринхъа?

Матта 13:54

Чан багъри шагьриз дуфну, дугъу жугьдарин мистаъ халкьдиз аьгъювалар улупуз хъюгъю. Вари мюгьтал духьнайи: – Мугъан мукьан фагьум ва кьувват наънан вуйкӀан? – кӀуйи дурари. –

Ляхнар 26:24

Павел учв уьрхюз улхури имиди, Фестди зарб сесниинди: – Павел, уву деллур вува! Аьхю зигьимлували уву аькьвлиан адаънаву! – кӀуру.

Югьан 7:46

– Гьадму Касдиси мегьел гьич сарира саб вахтнара кӀури гъахьундар! – жаваб тувнийи гъаравлари.

Лука 2:47

Исайихъ хъпехъурайидар вари Дугъан фагьумлувалиин ва Дугъан жавабариин мюгьтал духьнайи.

Матта 22:22

Му гафар гъеерхьиган, дурар мюгьтал шулу ва Дугъхьан гьудучӀвну гъягъюру.

Югьан 1:19

Магьа Ягьʼяйин шагьидвал. Жугьдари Ягьʼяйихьан, уву фуж вува, кӀури, гьерхуз Ерусалимдиан чпин маллйир ва левитар гьаиган,

Матта 22:33

Му гафар гъеерхьиган, халкь Исайин аьгъювалар улупбиин мюгьтал шуйи.

Паччагьлугъар-1 10:11

Думу аьгъю инсанариз, пайгъамбрарихъди сатӀиди думу пайгъамбарвалин ицлиъ фици учӀвнаш, гъябкънийи, ва дурари сари сарихьан гьерхрайи: – Кишдин бализ фу дубхьна? Саулра пайгъамбар духьнайкӀан?

Югьан 7:11

Жугьдарин гьякимари машквран вахтна Иса агуйи. «Наан а гьадму Адми?» – гьерхуйи дурари.

Югьан 7:13

Амма гьюкумдрарихьан гучӀбу, Дугъкан ачухъди сарира кӀурдайи.

Ляхнар 4:13

Жугьдарин гьякимдрариз Петринна Югьандин дирбашʼвал дябкъну, дурар гъурхдар дару ва аьдати адмийир вуйивалин гъаври ахъну, гьаддиин мюгьтал духьнайи. Дурар Исайихъди гъахьидар вуйиб аьгъю гъабхьнийи.