Югьан 6:7 - Гирами Китаб

⁷ – Дурариз варидариз уьлин саб кьацӀкьан ккубкьбан бадали, уьл гъадабгъуз кьюдварж динар пулра гьудрубкӀур, – жаваб туву Филипди.

Югьан 6:7 Referans Kwoze

Марк 6:37

– Учву дурариз ипӀруб тувай, – кӀуру Исайи. – Гьамус учу, душну, дурариз уьл гъадабгъурайин? Ухьу вари саб вазли гъилихишра, гьациб пулихъ дурариз уьл гъадабгъну удудукьур! – кӀуру вакилари.

Югьан 12:5

– Гьаму ягъ, шубудварж арсран пулихъ масу тувну, пул касибариз пай апӀуз гьаз шулдайихъа?

Матта 18:28

Амма думу гъуллугъчийи, дилин удучӀвиган, чан юлдшарикан чаз варж динар пул буржлу вуйир дагну, думу дидисну: «Увук кайи йиз бурж ча», кӀури, думу бугъмиш апӀуз хъюгънийи.

Паччагьлугъар-4 4:43

– Мурарихъди варж инсан фици тухъ апӀузахъа? – гьерхнийи гъаравашди. Хъа Элиш пайгъамбри жаваб тувнийи: – Тув инсанариз, гъит ипӀри. РАББИЙИ гьамци кӀура аьхир: «Дурар тухъ хьиди, ва хъана гъубзидира ву».

Югьан 1:43

Хъайигъан Исайи Галилей уьлкейиз гъягъюз кьаст апӀуру. Дугъаз Филип алахъуру: – Узухъди гъач! – кӀуру дугъаз Исайи.

Югьан 1:44

Филипра Вифсайдайиан – Андрейинна Петрин гъахи шагьриан – вуйи.

Югьан 1:45

Филипди Нафанаил агуру ва кӀуру: – Учуз, Мусайи чан Къанундиъ шликан дибикӀнаш ва пайгъамбрарира шликан дибикӀнаш, Гьадму гъидихъунчуз. Думу Назарет шагьриан Юсуфдин бай Иса ву.

Югьан 1:46

– Назаретдиан? Назаретдиан фукӀа ужуб удубчӀвур кӀурана? – наразиди кӀуру Нафанаили. – Гъач гъягъюхьа, ва уву лигара, – кӀуру дугъаз Филипди.

Югьан 1:48

– Увуз узу наънан аьгъявуз? – гьерхру Нафанаили. – Узкан увуз Филипди ктибтайиз улихьна Узуз уву инжирин гьарикк гъяркъюнзуз, – пну, жаваб туву дугъаз Исайи.