Югьан 6:5 - Гирами Китаб

⁵ Исайи, улар за гъапӀиган, Чахьна хайлин халкь гъюради дябкъну, Филипдиз кӀуру: – Мурариз ипӀуз ухьу гьамкьан уьлер наънан гъадагъухьайкӀан?

Югьан 6:5 Referans Kwoze

Матта 15:33

Ученикари Дугъаз кӀуру: – Гьаму вари халкь тухъ апӀрубкьан уьл му ичӀи йишваъ наънан абгуча?

Югьан 4:35

ХутӀил убзури, учву кӀури шулчва: «Юкьуб вазсана – ва иганра хъубкьди». Хъа магьа Узу учвуз кӀураза: улар арццай ва хутӀлариз лигай – дурар ургуз хъуркьна.

Югьан 1:43

Хъайигъан Исайи Галилей уьлкейиз гъягъюз кьаст апӀуру. Дугъаз Филип алахъуру: – Узухъди гъач! – кӀуру дугъаз Исайи.

Марк 6:32

Гьаддиз дурар люткейиъди халват йишваз гъушу.

Лука 9:10

Хъадакну гъафи вакилари, чпи фу гъапӀнуш, Исайиз ктибтуру. Хъасин Иса, вакиларра гъадагъну, Вифсайда кӀуру шагьриз гъягъюру.

Югьан 1:44

Филипра Вифсайдайиан – Андрейинна Петрин гъахи шагьриан – вуйи.

Югьан 1:45

Филипди Нафанаил агуру ва кӀуру: – Учуз, Мусайи чан Къанундиъ шликан дибикӀнаш ва пайгъамбрарира шликан дибикӀнаш, Гьадму гъидихъунчуз. Думу Назарет шагьриан Юсуфдин бай Иса ву.

Югьан 1:46

– Назаретдиан? Назаретдиан фукӀа ужуб удубчӀвур кӀурана? – наразиди кӀуру Нафанаили. – Гъач гъягъюхьа, ва уву лигара, – кӀуру дугъаз Филипди.

Югьан 1:48

– Увуз узу наънан аьгъявуз? – гьерхру Нафанаили. – Узкан увуз Филипди ктибтайиз улихьна Узуз уву инжирин гьарикк гъяркъюнзуз, – пну, жаваб туву дугъаз Исайи.