Югьан 5:44 - Гирами Китаб

⁴⁴ Учву сар-сарин тярифар апӀури, сар Аллагьдихьан вуйи тярифарихъ хъергну даршлуган, учву Узу фици кьабул апӀидичва?

Югьан 5:44 Referans Kwoze

Югьан 12:43

Адмийирин тярифар дурариз Аллагьдин адлувалтӀан зина вуйи.

Рим агьларихьна вуйи кагъаз 2:29

Гьякь вуйи жугьуд чан кӀваантӀан Аллагь ккун апӀурайир ву. Му, дерккнайи аьдатариинди ваъ, хъа кӀваантӀан, рюгьналан вуйи гьякь суннатдик гьисаб ву. Ва гьамцир касдин апӀурайи тяриф адмийирихьан дар, хъа Аллагьдихьан ву.

Филипп 2:3

Жвуван заанвал, ясана тяриф бадали, фукӀара мапӀанай. Хъа жвувтӀан багахь хьайир заанди дисури апӀинай.

Матта 23:5

Хъа дурари фукӀа апӀурашра, инсанариз рябкъри кӀури апӀурайиб ву. Гьамци дурари унтӀланна хиллан илдижру Къанундиан гафар дидикӀнайи чпин чӀулар аьхю апӀури шулу ва палтарин цӀимцӀлар ярхи апӀури шулу.

Петрин-1 1:7

Аьгъю йибхьайки, гъизилра цӀиинди таза алапӀурайиб. ЦӀихьан гьеле думу зат имдарди деебцӀну гъядапӀузра шулу, хъа ичв хъугъувал гъизилтӀан лап артухъ багьа ву, ва думу, гьякьди вуйиб вуш, ясана – дарш, Иса Месигь кьяляхъ гъафи вахтна гъиямат йигъан жвуван тяриф, ад ва заанвал жвувахьна рубкьбан бадали, ахтармиш дапӀну ккундарин?!

Паччагьлугъар-1 2:30

Гьамци кӀура Израилин Заанури, РАББИЙИ: «Узу гаф тувнийза, яв хизан ва яв тухум Йиз машнан улихь гьарган яшамиш хьиди, кӀури. Хъа гьамусдихъантина дици хьибдар!» – кӀура РАББИЙИ. «Узу Йиз гьюрмат уьбхрудар заан апӀидиза, хъа Узу гьясппикк ккадрудар асккан апӀидиза.

Коринф-1 4:5

Гьаддиз, Агъа хъадакну гъюру вахт шайизра, улихьмиди тахсрар агури мюхъюгъянай. Дугъу вари жиниб ачухъ апӀиди, инсанарин юкӀвариъ гьитӀибкӀнайиб арайиз адабгъиди ва гьадмуган Дугъу гьардин тяриф апӀиди.

Рим агьларихьна вуйи кагъаз 2:10

Хъа ужʼвал апӀру гьарсар касдиз, сифте жугьдариз, хъа имбудариз Дугъу ад, гьюрмат ва мясляаьт гьапӀди.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Лука 19:17

Агъайи дугъаз гъапну: – Аферин увуз, ужур гъуллугъчи! Уву бицӀи ляхниъ дугъри хьувализ яв хилиз йицӀуб шагьур гъадагъ.

Якьубдин 2:1

Йиз гъардшар, ихь адлу вуйи Агъа Иса Месигьдихъ хъугъри, адмийир ккунидаризна даккнидариз жара мапӀанай.

Жугьдариз 3:12

Гъардшар, ичв саринкьан юкӀв пис даршлуси, вафалуди гъузруси, чӀиви Аллагьдихьан гьидидицруси, ихтият йихьай.

Коринф-2 10:18

Чан тяриф чав апӀурайирин гаф Агъайи кьабул апӀидар. Агъайин тяриф апӀурайирин – апӀиди.

Югьан 17:3

Хъа гьаргандин уьмур – му Уву, сар вуйи, гьякьлу вуйи Аллагь, ва Уву гьау Иса Месигь аьгъю апӀувал ву.

Югьан 8:43

Учву Йиз Гаф кьабул апӀурадарчва?

Югьан 3:20

Фицики чӀуруб апӀурайи гьарсар касдиз акв даккун шулу ва, чан чӀуру ляхнар ашкар даришри пну, думу аквнахьна гъягъюрдар.

Паччагьлугъар-1 15:30

Саули гъапи: – Узук тахсир казук. Амма миннат апӀурза увкан: йиз халкьдин аьхюдарин улихь ва Израилин улихь узуз гьюрмат апӀин – узухъди кьяляхъ хъадарк, узхьан РАББИЙИЗ, яв Заануриз, ибадат апӀуз хьпан бадали.

Югьан 5:41

Узуз инсанарин тярифар лазим дарзуз.

Фессалоник-1 2:6

ясана адмийирин ад гъазанмиш апӀуз шерик гъахьундарча – я учвухь, я жарадарихь.

Тимофейиз-1 1:17

Гьаци вуйиган, гъит гьаргандин Паччагьдиз, аьжал Хътруриз, Дярякъруриз ва Сар вуйи Аллагьдиз аьсрариан аьсрариз гьюрмат ва ад ибшри! Амин.

Ягьудайин 1:25

сар Аллагьдиз, ихь Агъа Иса Месигьдиланмина ухьу Гъюрхюриз, гъит, ад, зурбавал, кьудрат ва гьюкум, дюнʼя ккебгъайизра, гьамусра, ва гьамусдихъантина гьаммишандиз ибшри! Амин.