Югьан 5:23 - Гирами Китаб

²³ варидари, фици Адашдин гьюрмат уьбхюраш, гьаци Балинна гьюрмат уьбхбан бадали Дугъу вари суд апӀру гьюкум Балихьна тувна. Шли Балин гьюрмат уьбхюрадарш, гьадгъу Думу гьау Адашдинра гьюрмат уьбхюрадар.

Югьан 5:23 Referans Kwoze

Югьандин-1 2:23

Шли Бай кьабул апӀурадарш, дугъу Адашра кьабул апӀурадар. Шлиз Бай аьгъяш, дугъаз Адашра аьгъя.

Лука 10:16

Учвухъ хъпехъурайир Узухъ хъпехъура, ва учвхьан маш гьадабгъурайири Узхьан маш гьадабгъура. Хъа Узхьан маш гьадабгъурайири Узу му дюнʼяйиз Гьаурихьан маш гьадабгъура.

Югьандин-2 1:9

Месигьдин аьгъювалар чӀюргъруриз ва дурар тамам дарапӀруриз Аллагь аьгъдар. Хъа Месигьдин аьгъювалар тамам апӀруриз Адашра, Байра аьгъя.

Матта 11:27

Йиз Адашди Узуз вари тувну. Адашдилан гъайри, Бай фуж вуш, саризра аьгъдар, ва БализтӀан гъайри, Адаш саризра аьгъдар. Хъа Бали шлиз ачмиш гъапӀиш, гьадгъаз Адаш аьгъю хьиди.

Жугьдариз 1:6

Чан Сарпир, дюнʼяйиъ аъри, Аллагьди кӀура: „Гъит Аллагьдин вари малайикари Мугъаз икрам апӀри“.

Эфес 6:24

Зат аьхир адарди ихь Агъа Иса Месигь ккуни варидариз ужʼвал ибшри.

Петрин-2 3:18

АйибтӀан артухъ ихь Агъа, Уьрхрур – Иса Месигь, ва Дугъан ужʼвал аьгъю апӀури, гьаддиъ аьхю йихьай. Дугъан ад ибшри гьамусси, гьаммишандин Йигъ гъафиганра. Амин!

Рим агьларихьна вуйи кагъаз 8:9

Эгер дугъридан учвуъ Аллагьдин Рюгь яшамиш шулаш, учву бедендин гьюкмиъ яшамиш шуладарчва, хъа Рюгьназ мютӀюгъ шулачва. Шлиъ Месигьдин Рюгь адарш, думу Месигьдинур дар.

Коринф-1 10:31

Гьаддиз, учву ипӀурашра, убхъурашра, фу апӀури гъашишра, вари – Аллагьдин ад бадали апӀинай.

Рим агьларихьна вуйи кагъаз 6:22

Хъа гунгьариккан азад духьнайиган ва Аллагьдин лукӀар духьнайиган, гьамус, марцци яшайишдин хайир ачвуз, хъа диди гьаргандин уьмрихъна хуру.

Югьан 16:14

Дугъу Узу адлу апӀиди, гьаз гъапиш Дугъу, Узхьан гъадабгъну, думу учвуз ачухъ апӀиди.

Коринф-1 6:19

Учвуз ичв беден Аллагьдихьан учвуъна дуфнайи Гирами Рюгь яшамиш шулайи хал вуйибдикан хабар адарди анчвуз дарш? Сарун учву ичвдар дарчва,

Матта 12:21

Ва вари миллетари Дугъахъ йирфар хъирчну хьибди».

Тимофейиз-2 1:12

Магьа гьамдиз дилигну, узу гьацдар аьзабар аьгь апӀураза. Хъа узуз начди дарзуз! Узуз узу Шлихъ хъугънаш, аьгъязуз. Дугъу узʼин илипнайи гьадму ляхин Аьхиримжи йигъ гъяйизкьан вари уьбхрувалик йиз гьич саб шакра кадариз.

Коринф-2 5:19

Яни Аллагьди, Месигьдиланмина Чаинди вари дюнʼя чпи гъапӀу гунгьариз дилигди, албагну. Ари гьаму албагбакан Хабар дебкк дупначуз.

Коринф-2 1:9

Учу сарун чӀивиди гъитур кӀури хиял дайич, аьжал гьадабтӀнайчуз, аммаки мици, учу учук ваъ, хъа гъачӀидар чӀиви апӀру Аллагьдик миж кади гъузбан бадали, гъабхьиб вуйи.

Коринф-1 1:3

Аллагьдихьан, Аьршарин ихь Адашдихьан ва Агъа Иса Месигьдихьан ужʼвал ва мясляаьт ибшричвуз!

Югьан 14:1

Исайи варидариз кади кӀуру: – Гъит ичв юкӀвариан шаклувалар удучӀври! Учву Аллагьдихъ хъугърачва, гьаци Узухъра хъугъай!

Матта 10:37

УзутӀан чан адаш вая дада артухъ ккун гъапӀур Узуз лайикьлу вуйир дар; ва УзутӀан чан бай вая риш артухъ ккун гъапӀур Узуз лайикьлу дар.

Коринф-2 5:14

Месигьдин масанвали гьяракатнак китнайидар вуча, варидарихъанди Месигь гъакӀнуш, гунгьар дарапӀуз вари дийихнайивалин саб шак адарич.

Коринф-1 16:22

Шлиз Агъа ккундарш, гъит бала гъядябхъричаз. Эй, Агъа, гъач!

Рим агьларихьна вуйи кагъаз 15:12

Ишаяйира кӀура: «Ессей тухмиан таза кюл ачмиш хьибди. Дугъу миллетариин гьюкум гъабхиди, ва Аллагь аьгъдру халкьари Гьадгъак чпин миж кивди».

Рим агьларихьна вуйи кагъаз 1:7

Узу му, учвуз, вари Римдиъ яшамиш шулайидар, Аллагьдиз ккунидар ва Аллагьдин гирами халкь хьуз дих дапӀнайидар, бикӀуразачвуз. Ужʼвал ва мясляаьт ибшричвуз Аллагьдихьан, ихь Адашдихьан ва Агъа Иса Месигьдихьан.

Югьан 17:10

фицики вари Узуз айиб Явуб ву, ва вари Увуз айиб Йизуб ву. Гьадрариантина Узу Йиз ад улупунза.

Матта 28:19

Гьаци вуйиган, душну, Адашдин, Балин ва Гирами Рюгьнан ччвурнахъан штуан апӀури, вари миллетарикан Йиз ученикар апӀинай.

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.

Матта 15:8

«Гьаму адмийири Узуз гьюрмат ушвниинди апӀура, хъа дурарин юкӀвар Узхьан ярхла ву.