22 Адашди саринра суд апӀурадар;
Ва Дугъу Бализ суд апӀру гьюкумра тувна, фицики Думу Инсаниятдин Бай ву.
Фицики Дугъу вари дюнʼяйин гьякьди суд апӀру йигъ улупна. Чав улупнайи Инсанди гьадму суд апӀиди. Аллагьди, Думу, гъачӀихъан, чӀиви дапӀну, варидариз шагьидвал тувну.
Фицики Месигьдин Суддиз гъюб ухьуз варидариз алабхъиди ва бедендиъ имиди ухьу гъапӀу гъяни ва пис ляхнариз дилигну, гьаруриз рубкьруб тувди.
Багахьна дуфну, Исайи дурариз гъапи: – Узуз завариин ва жилариин вари гьюкум тувназуз.
Аллагьди чӀивидарин ва гъийихдарин зиин Диванбеги вуди дерккнайир гьадму Кас вуйиваликан инсанариз аьгъювалар улупуз ва дидин шагьидвал апӀуз учуз амур гъапӀну.
Исайи гъапи: – Узу му дюнʼяйиз дярябкърайидариз рябкъри дупну, хъа рябкъюрайидар кур хьпан бадали, суд апӀуз дуфнайир вуза.
ЧӀивидаринна гъийихдарин суд апӀуз гъюру Месигь Исайин ва Аллагьдин улихь ккун апӀуразавукан (узу мици, Месигьдиз Паччагьлугъ айиган ва Думу багарихьди гъюрайир вуйиган, кӀураза):
Гьаму вари, Аллагьди Иса Месигьдилантина узу рабгъурайи Ужувлан хабарнаъ кӀурайиси, инсанарин вари жини ляхнарин суд апӀруган, хьибди.
Вари яшамиш шлубдин зиин Уву Дугъаз гьюкум тувунва. Уву Дугъахьна гьаъдариз гьаци Гьадгъура гьаргандин уьмур тувди.
Аммаки дурар багарихьди чӀивидаринна гъийихдарин суд апӀуз Гъюрурин улихь чпи гъапибдинна гъапӀубдин жаваб тувуз мажбур хьиди.
Фицики Инсаниятдин Бай Чан Адашдин аднаъди, Чан малайикарра хъади гъиди, ва гьадмуган гьарсар касдиз, чан ляхнариз лигну, кьимат тувди.
Адашдиз Чан Бай масанди ву ва гьаддиз варибдиин гьюкум Дугъан хилиз тувна.
Йиз Адашди Узуз вари тувну. Адашдилан гъайри, Бай фуж вуш, саризра аьгъдар, ва БализтӀан гъайри, Адаш саризра аьгъдар. Хъа Бали шлиз ачмиш гъапӀиш, гьадгъаз Адаш аьгъю хьиди.
