Югьан 5:2 - Гирами Китаб

² Ерусалимдиъ Марччарин латар кӀурушвахь, жугьуд чӀалниинди «Вифезда» (Рягьимлувалин хал) кӀуру саб кахъру гьямам хьайи. Дидихьна элеркнайи гъвандин мурхьлар ккудукьнайи хьуб дегьлиз гъюрайи.

Югьан 5:2 Referans Kwoze

Ляхнар 21:40

Гьадмуган дугъу ихтияр тувру. Павелира, умбриина за духьну, халкьдиз хилин ишара апӀуру. Хъа вари яваш гъашиган, думу жугьуд чӀалниинди улхуз хъюгъру.

Югьан 20:16

– Марʼям! – кӀуру Исайи. Марʼям илдицуру. – Раввуни! (Жугьуд чӀалниинди: «Мялим»), – пну, чӀигъ апӀуру Марʼямди.

Югьан 19:17

Дугъу «УнтӀаъ» (жугьуд чӀалниинди «Голгофа») кӀуру йишвахьнакьан Чаинди Чав карсру хачра дубхну ккундийи.

Югьан 19:13

Гьамцдар гафар гъеерхьу Пилат, Исара адаъну, суд апӀрушвʼин деъру. Думу йишваз «Гъвандин тахт» кӀуру, жугьуд чӀалниинди: «Гаввафа».

Югьан 19:20

Му бикӀуб гизаф жугьдари гъурхнийи, Иса дариз дизигнайишв шагьрихьан ярхлаъ адайи: ва душвак жугьуд, латин ва грек чӀалариинди дибикӀнура айи. Жугьдарин кавхйири Пилатдиз гъапи:

Югьан 5:3

Гьадму хьубиб дегьлизарра ацӀну фалиж кайидар ва майифдар ади шуйи. Дурар, фила шид ккибикьуз хъюгъруш, гьаддиз ккилигури шуйи.

Югьан 7:21

Исайи дурариз жаваб вуди гъапи: – Узу саб аьламат улупайизра, учву вари мюгьтал духьначва.

Ачмиш 9:11

Дурарин паччагь кӀан ккадрушван малайик ву; думу паччагьдиз жугьуд чӀалниинди Аббадан, хъа грек чӀалниинди Аполлион кӀуру.

Ачмиш 16:16

Ва дурари паччгьар жугьуд чӀалниинди Армагедон кӀуру йишвʼина уч апӀуру.