Югьан 5:19 - Гирами Китаб

¹⁹ Исайи дурариз кӀуруки: – Гьякьлу вуйи гьякь кӀуразачвуз: сабан Чан Адашди гьапӀраш дярябкъкьан гагьди, Балхьан Чан-Чаинди фукӀара апӀуз шулдар. Адашди гьапӀраш, Балира гьадму апӀура.

Югьан 5:19 Referans Kwoze

Югьан 12:49

Фицики Узу Йиз Узхьан гъапиб дариз – му Узу гьау Адашдин, Узуз вуйи амур ву, фу кӀуруш ва фици кӀуруш.

Югьан 8:28

Исайи давам гъапӀу: – Учву Инсаниятдин Бай за гъапӀиган, гьадмуган аьгъю хьибдичвуз, Узу Гьарганур вуйиб, ва Узу Йиз Узлан фукӀара дарапӀруб: Узу анжагъ Адашди улупуб кӀураза.

Югьан 14:10

– Узу Адашдиъ, Адаш Узуъ айибдихъ уву хъугърадарна? Узу учвуз кӀурайи гафар Узхьан кӀурайидар дариз, хъа дурар кӀурайир Узуъ айи Адаш ву, Чан ляхнар апӀурайи.

Югьан 10:18

Йиз уьмур сарира дадабгъидар, Узу Йиз хушниинди думу тувраза. Думу тувуб Йиз ихтиярнаъ, думу, кьяляхъ гъадабгъубра Йиз ихтияриаъ айиз. Думу гьаци Узуз Йиз Адашди улупунзуз.

Рим агьларихьна вуйи кагъаз 8:11

ЙикӀбан кьяляхъ Иса чӀиви ГъапӀурин Рюгь учвуъ яшамиш шулаш, Месигь чӀиви ГъапӀури, учвуъ яшамиш шулайи Рюгьналанмина ичв жанариз уьмур багъиш апӀура.

Югьан 9:4

Сабан йигъ имиди ухьу Гьадгъан, Узу Гьаурин ляхнар дапӀну ккунду. Гьамус йишв хьибди, гьадмуган сарихьанра лихуз хьибдар.

Лука 21:15

фицики учвуз къаршу дийигъуз вая учву батӀул апӀуз гьич сарихьанра даршлуси гафар ва акьюллувал Узу тувдизачвуз.

Югьан 5:21

Адашди гъачӀидар чӀиви апӀруси ва дурариз уьмур тувруси, гьаци Балира Чаз ккунириз уьмур тувди.

Коринф-2 5:10

Фицики Месигьдин Суддиз гъюб ухьуз варидариз алабхъиди ва бедендиъ имиди ухьу гъапӀу гъяни ва пис ляхнариз дилигну, гьаруриз рубкьруб тувди.

Эвел 1:26

Заанури гъапну: «Ухьусир, Ухьуз ухшар айи адми апӀидихьа. Адмийи гьюлин балугъариин, завун ничхрариин, мал-къарайиин, вари жилиин ва вари гьяшаратариин агъавал апӀиди».

Югьан 3:3

Исайи дугъаз жаваб вуди кӀуру: – Гьякьлу вуйи гьякь кӀуразавуз: анжагъ учв цӀийикӀултӀан бабкан гъаширихьантӀан Аллагьдин Паччагьлугъдиъ учӀвуз хьибдар.

Насигьятар 2:6

Фицики РАББИЙИ тувра аькьюл, ва Дугъан мелзналан ву аьгъюваларна фагьум;

Эвел 1:1

Сифте Заанури завна жил арайиз хуру.

Ачмиш 2:23

Дугъан бицӀидарра аьжалихь гьирчдиза. Гьадмуган вари жямяаьтариз аьгъю хьибди: ичв юкӀвариъ ва фагьмариъ жиниди уьбхюрайиб вари аьгъюр Узу вуйиб, ва гьарсариз Узу, чан ляхнариз дилигну, тувдиза.

Петрин-1 3:18

Гьаци Месигьра, ухьу гъапӀу гунгьарихъанди, сабан ва гьаргандиз, Гьякьлур гьякьсузарихъанди, учву Аллагьдихьна хпан бадали, ккахъундаринхъа! Дугъан беден аьжализ тувну гъабкӀну, хъа Рюгь уьмрихъна кьяляхъ хътакну.

Колосс 1:16

Фицики завариъ ва жилариин алиб, рябкъюрайиб ва дярябкърайиб: Паччгьарин тахтар, агъаваликк ккайидар, гьякимар ва гьюкмар – вари Гьадгъу халкь гъапӀну, арайиз гъабхиб вари Гьадгъулантина гъабхьну ва Гьадгъаз кӀури айиб ву.

Филипп 4:13

Узуз кьувват Туврайирин кюмекниинди вари шулзухьан.

Филипп 3:21

Дугъу, ихь зяиф, аьжал хъайи жанар дигиш дапӀну, Чансиб нур тувру Бедендиз илтӀикӀиди. Дугъу ихь жанар вари дюнʼя Чаз мютӀюгъ апӀуз гъиту кьувватниинди илтӀикӀуз гъитди.

Эфес 3:16

Узу, Аллагьди Чан аднан булвалиан Чан Рюгьниинди ичв рюгь кьувватлу апӀуз,

Эфес 2:5

Гьаддиз ухьу ихь тахсрарилантина дийихнайидар вуйишра, Месигьдихъди чӀиви гъапӀунхьу. Гьадгъан ужувлиинди дюрхнайидар вучва.

Коринф-2 4:14

Учуз аьгъячуз: Агъа Иса Месигь чӀиви ГъапӀури, Исаси учура чӀиви апӀиди ва учвухъди сабси учура Чан улихь дерккди.

Коринф-1 15:12

Йипай гьеле, эгер Месигь, хабар дебккрайиси, чӀиви гъахьнуш, учвкан сакьюдари, гъийихдар чӀиви шлуб дар, фици кӀура?

Рим агьларихьна вуйи кагъаз 6:4

Гьаци вуйиган, штуан шлуган, ухьу Дугъахъди сатӀиди гъакӀунхьа ва, Аллагьдин адлу кьудратниинди Месигь чӀиви гъахьиганси, ухьура чӀиви апӀбан бадали ва цӀийи уьмриинди яшамиш хьпан бадали, Гьадгъахъди кивну гъахьунхьа.

Ляхнар 2:24

Хъа Аллагьди, аьжалин кьюкьяр дармадагъин дапӀну, Думу чӀиви гъапӀну, фицики Думу аьжалихьан дерккуз гъабхьундайи.

Югьан 2:19

– Му Аллагьдиз ккарагру хал учву дабгъай, хъа Узу думу шубуд йигъан айитӀ дивурза, – дурариз жаваб вуди гъапи Исайи.

Фессалоник-1 4:14

Эгер ухьу, Иса, дукӀну, чӀиви хьувалихъ хъугъраш, ухьу гьацира Исайихъ хъугъну гъакӀидар Аллагьди аьршариз Гьадгъахьна хъади гъягърувалихъ хъугърахьа.

Колосс 1:11

гъит, учву гьаци хьпан бадали, Чан зурбавалина кьудратну учвуз сабурна ижмивал туври ва вари терефарихъанди учву мюгькам апӀри;

Матта 26:39

ЦӀиб тинаси душну, машнахъди жилʼина ис духьну, Думу гьамци кӀури, ккарагуз хъюгъру: – Я Аьршарин Адаш, эгер шулуш, му аьзаб Узʼина дяргъруси апӀина, вушра, Узуз ккуниси ваъ, хъа Увуз ккуниси ибшри.

Югьан 6:38

Фицики Узу аьршариан, Узуз ккуниб апӀуз ваъ, хъа Узу Гьаурин ният тамам апӀуз дуфнайир вуза.

Югьан 12:50

Узуз аьгъязуз: Дугъан амур – му зат ккудудубкӀру уьмур ву. Узу анжагъ Узуз Адашди йип гъапиб кӀураза.