Югьан 4:9 - Гирами Китаб

⁹ – Уву, жугьудри узхьан, Самарияйиан вуйирихьан, убхъуз ужуб фици ча кӀурава? – гьерху Дугъхьан жаваб вуди дишагьлийи. Фицики жугьдар самариялуйирихъди албагну адайи.

Югьан 4:9 Referans Kwoze

Ляхнар 10:28

Петри дурариз кӀуру: – Учвуз аьгъячвузки, жугьудриз жара миллетдиндарихъди ттикӀуб вая дурариин улуркьуб гъадагъа вуйивал. Аммаки Аллагьди узуз гьич сар адмикьана кифир, ясана марцци дарур вуйиб гьисаб дарапӀуб табшурмиш гъапӀунзуз.

Югьан 8:48

– Дюзди кӀура учухь: Уву самариялужви вува ва амрихъан душнайир вува, – гъапи Дугъаз жугьдари.

Матта 10:5

Гьаму йицӀикьюр кас Исайи, гьамциб насигьят тувну, гьаъру: – Жугьдар дарудар яшамиш шулайи йишвариз мягъянай ва Самарияйин саб шагьриъкьан муучӀванай;

Ляхнар 1:8

Гирами Рюгь учвʼина гъафиган, кьувватну ацӀдичву ва Йиз шагьидар, сифте Ерусалимдиъ хъа вари Ягьудияна Самария уьлкйириъ, ва гьацира тап дюнʼяйин тмуну кӀулизкьан, хьидичва.

Югьан 4:27

Гьадму арайиъ Исайин ученикар гъюру ва, Дугъу дишагьлийихъди гафар апӀури дябкъну, дурар мюгьтал шулу. Амма сарира Дугъхьан, фу ккунди аш, вая дугъахъди гафар гьаз апӀураш, гьерхундайи.

Лука 10:33

Самария уьлкейиан вуйи сар кас, гьадлинтина даждиинди гъягъюрайир, дугъʼин алахъуру ва, дугъаз думу дяркъну, дугъан язухъ шулу.

Ляхнар 10:32

Гьаци вуйиган, Яффайиз Петр кӀуру Симон хъади гъюз адми гьаъ, думу гьюлихъ яшамиш шулайи гъидкьарин уста Симондин хулаъ хялижвди дергна».