Югьан 4:53 - Гирами Китаб

⁵³ Мушвʼин балин адашдиз, чан бай Исайи: «Яв бай яшамиш шули гъузди», гъапи вахтна сагъ гъашиб аьгъю шулу, ва дугъан вари хуландар Исайихъ хъугънийи.

Югьан 4:53 Referans Kwoze

Лука 19:9

Исайи дугъаз гъапи: – Гъи му хулазра уьрхювал гъафну, фицики мура Ибрагьимдин насликан ву.

Ляхнар 18:8

Мистан аьхюр вуйи Криспдира, чан вари хизандихъди, Агъайиина хъугъувал гъабхнийи. Гьацира Павелихъ хъпехъу коринфлуйирикан гизафдари, хъугъувалиина дуфну, чпи штуан апӀуз гъитру.

Ляхнар 16:34

Чан хулаз гъахи Павелизна Силайиз дугъу хураг гьивнийи, хъа дугъу ва дугъан хуландари Аллагьдихъ хъугъбиин шадвал апӀури шулу.

Ляхнар 11:14

Дугъу увуз уву ва вари яв хизан уьрхру гафар пидивуз», – кӀури.

Ляхнар 16:15

Думу ва дугъан вари хуландар штуан гъахьихъан, дугъу учкан тӀалаб апӀуру: – Эгер учву узу дугъриданра Агъайихъ хъугънайир вуди гьисаб апӀураш, йиз хулаъ яшамиш йихьай. Учура рази гъашича.

Ляхнар 2:39

Му, учвузси, ичв веледаризра, сабан Аллагьдихьан ярхла вуйидаризра, Агъа Аллагьди, Чахьна дих дапӀнайидаризра кади, тувнайи гаф ву.

Матта 8:13

Хъа Исайи юзбашийиз гъапи: – Гъарах, яв хъугънайивалиинди увуз хьибди. Дугъан гъуллугъчи гьадмусяаьт сагъ гъахьнийи.

Югьан 4:52

Дугъу дурарихьан: «Бализ филаси рягьят гъабхьну?» – пну, гьерхру. «Накь лисхъан дугълан убцрушин алдабхьну», – гъапи дурари.

Югьан 4:51

Рякъюъ дугъаз чан гъуллугъчйир алахьуру ва дурари дугъаз: «Яв бай сагъ гъахьну», кӀуру.