Югьан 4:48 - Гирами Китаб

⁴⁸ – Учвкан саркьан, аьламатар ва аьжайиб лишнар дярякъкьан гагьди, хъугъуз ккайидар дарчва! – гъапи дугъаз Исайи.

Югьан 4:48 Referans Kwoze

Югьан 20:29

– Уву хъугъунва, гьаз гъапиш Узу гъяркъюнвуз? Аммаки хушбахтаврар ву гьадрар, Узу дярякъди, хъугъдар! – кӀуру дугъаз Исайи.

Жугьдариз 2:4

Агъа Исайин Хабар гьякь вуйивал Аллагьди аьжайиб лишнариинди, аьламатариинди, гьар жюреди ачмиш шлу кьудратниинди ва Чан ниятниинди Чаз ккунириз тувру Гирами Рюгьнан багъишар гьаъбиинди тасдикь гъапӀну.

Коринф-1 1:22

Жугьдари аьламатар ккун апӀура, Аллагьдикан аьгъдрудари фагьум абгура,

Даниял 4:2

Амма нивкӀ гъябкъзуз ва диди гучӀ кипзук; ахру йишвʼин нивкӀукди гъябкъюбди къурхулу гъапӀзу.

Ляхнар 2:22

Эй Израилин агьалйир! Гьаму йиз гафарихъ хъебехъай: Назаретдиан вуйи Исайихь Аллагьдин гьюкум хьайи. Аллагьди Чан гьюкум Гьадгъуантина гъапӀу аьламатнан, аьжайиб ва зурба ляхнариинди улупну. Му учвузра аьгъячвуз, фицики гьадму ляхнар ичв улихь гъашидар ву.

Югьан 12:37

Дугъу дурарин улихь гьамкьан аьламатар гъапӀнушра, аммаки дурар, дидизра дилигди, Дугъахъ хъугъдайи.

Коринф-2 12:12

Учвуз Месигьдин гьякь вакил жара апӀру лишнар улупначвуз: аьхю сабур, аьжайиб лишнар, аьламатар ва кьудратлу ляхнар.

Ляхнар 14:3

Вушра, Варнавна Павел, душваъ кьаназ гъузну, Агъайикан дирбашди аьгъювалар улупури гъахьну. Агъайи дурарин хиларилантина Чан ужувлан шагьидвал вуди хайлин аьламатар ва аьжайиб лишнар улупури гъахьну.

Марк 13:22

Гьаз гъапиш кучӀлин месигьар ва кучӀлин пайгъамбрар ачмиш хьиди. Эгер удукьуруш, гьеле кадагънайидарра чпихъинди илтӀикӀуз дурари аьламатнан лишнар ва аьжайиб ляхнар улупиди.

Матта 24:24

фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди.

Ляхнар 2:43

Аллагьдихьан варидариз гучӀуйи, ва Аллагьди вакиларилантина дурариз аьхючӀвеъ аьламатар ва аьжайиб лишнар улупнийи.

Югьан 2:18

Мушвʼин жугьдарин гьюкумдрар гъедергуру. – Увуз гьамцдар апӀуз ихтияр айивал фициб аьламатниинди улупидива? – гьерхру дурари.

Лука 16:31

Гьадмуган Ибрагьимди дугъаз кӀуру: «Эгер дурар Мусайихъ ва пайгъамбрарихъ хъпехъурадаш, дурар, фуж гъачӀидаригъян чӀиви гъахьишра, хътругъур».

Фессалоник-2 2:9

Писур гъювал ШейтӀнин хиларин ляхин ву. Думу писвал гьубкьу жюрейин аьламатар ва гъавриъ ахъуз даршлу кучӀлин лишнар улупбариинди

Ляхнар 15:12

Уч духьнайидар вари ккебехъуру. Варнавдина Павели чпилантина Аллагьди жугьуд дарударин арайиъ улупу аьламатариканна аьжайиб лишнарикан ктитуру ва ккебехънайидар хъебехъури гъузру.

Ляхнар 7:36

ЯгъчӀвур йисан Египет жилариин Уьру гьюлихъ ва ичӀи чюлиъ аьламатар ва аьжайиб лишнар улупури, дурар Египетдиан адаурра гьадму Муса ву.

Ляхнар 6:8

Хъугъвалиъ ва кьувватнаъ айи Стефанди халкьдин арайиъ зурба вуйи аьламатар ва аьжайиб лишнар улупуйи.

Ляхнар 5:12

Вакилари халкьдин арайиъ гизаф аьламатарна аьжайиб лишнар гъапӀнийи. Дурар гьарган вари сатӀиди Сулеймандин айвандихъ хъади шуйи.

Ляхнар 4:30

Аьзарлуйир сагъ апӀури, аьламатар ва аьжайиб лишнар улупури, Яв Гирами Гъараваш Исайин ччвурнахъди Яв кьувват улуп.

Ляхнар 2:19

Узу завариин ва жилариин гьамцдар аьламатнан лишнар: ифи, цӀа ва кумран дифар – улупидиза.

Югьан 15:24

Эгер сарихьанра апӀуз даршлу ляхнар Узу гъапӀундайиш, гьадмуган дурар тахсиркрар хьидайи. Хъа гьамус дурариз Узу гъапӀдар вари гъяркъну, ва гьаци вушра дурариз Узура, Йиз Адашра даккунди ву.

Лука 10:18

Исайи дурариз гъапи: – Узуз завʼан кьюркьлин цӀаси абхъу иблис гъябкъюнзуз.

Матта 27:42

– Жарадар уьрхюйи, гьамус Чахьан Учв уьрхюз шуладар! Думу Израилин Паччагь дарин? Гъит гьамус хачракан кудучӀври, ва гьадмуган Дугъахъ хъугъархьа!

Матта 16:1

Саб арайилан фарисйирина саддукйири, Исайин багахьна дуфну, думу ахтармиш апӀуз ккунди, аьршариан чпиз саб аьламатнан лишан улупуб ккун апӀуру.

Даниял 6:27

Дугъу уьрхюра ва апӀура азад, Завариин ва жилариин керематар, аьламатнан лишнар улупура. Дугъу гъюрхну асланархьан Даниял».

Югьан 4:49

– Я аьхю кас! Йиз бай йикӀайиз гъача! – кӀури, паччагьдин гьякимдар Дугъаз хъана ккарагуру.