Югьан 4:41 - Гирами Китаб

⁴¹ Исайи дурариз гъапӀу ктитбариинди Дугъахъ хъанара гизафдар хъугънийи.

Югьан 4:41 Referans Kwoze

Ляхнар 1:8

Гирами Рюгь учвʼина гъафиган, кьувватну ацӀдичву ва Йиз шагьидар, сифте Ерусалимдиъ хъа вари Ягьудияна Самария уьлкйириъ, ва гьацира тап дюнʼяйин тмуну кӀулизкьан, хьидичва.

Ляхнар 8:12

Хъа халкьар Аллагьдин Паччагьлугъдикан ва Месигь Исайикан аьгъювалар улупурайи Филипдихъ хъпехъуз хъюгъиган, жилар ва хпар штуан шулу.

Ляхнар 8:25

Петрна Югьан, Исайикан шагьидвал дапӀну ва Агъайин гаф аьгъювалиинди улупну, Ерусалимдиз хътакуру. Гъюру рякъюъди дурари Самария уьлкейин гъуларикан гизафдариъ Исайикан Ужувлан хабар рабгъуру.

Югьан 6:63

Беден фукӀа дар, анжагъ Рюгь ву уьмур хурайир. Узу учвуз кӀурайи гафариъ уьмрин Рюгь а.

Жугьдариз 4:13

Халкь дапӀнайи вари дюнʼяйиъ Аллагьдин улихь гьитӀибкӀнайиб гьич фукӀара адар. Дугъан улихь вари ачухъди ву. Дугъан улариз вари рябкъюру. Ари Гьадгъан улихь ухьу жавабра тувдихьа.

Ляхнар 15:3

Гьамци хъугънайидари дурар рякъюъ аънийи. Финикияйианна Самарияйиантина гъягъюрайиган, дурари, фици жугьуд дарудар хъугъувалихъна гъафнуш, ктитури гъахьну, ва мидʼин гъардшар шад шуйи.

Югьан 7:46

– Гьадму Касдиси мегьел гьич сарира саб вахтнара кӀури гъахьундар! – жаваб тувнийи гъаравлари.

Лука 4:32

Исайин улупбариин халкь мюгьтал шуйи, фицики Дугъан гафар гьюкум айидар вуйи.

Эвел 49:10

Ягьудайихь гьарган паччагьвалин маргъ хьибди. Гьарган дугъан насларихь хьибди думу чумакъ, дидин Эйси гъяйизкьан – вари халкьар Чаз мютӀюгъ шлур.

Югьан 4:40

Самариялуйири, Исайихьна дуфну, Думу чпихь гъузуб тӀалаб апӀуру. Ва Думу дурарихъди кьюд йигъан гъузру.

Югьан 4:42

Дурари думу дишагьлийиз кӀуру: «Сифте учу Исайихъ яв гафариз дилигну хъугъунча. Хъа гьамус Дугъахъ учу ич-учʼинди хъебехъну хъугърача, ва аьгъячуз: Думу дугъриданра дюнʼя уьрхру Месигь ву».