Югьан 4:39 - Гирами Китаб

³⁹ Му шагьриан вуйи самариялуйирикан гизафдар Исайихъ хъугъру, фицики му дишагьлийи Дугъкан дурариз дупнайи: «Дугъу йиз уьмриъ узу гъапӀу вари ляхнарикан ктибтунзуз».

Югьан 4:39 Referans Kwoze

Югьан 4:29

– Узухъди гъачай ва узу йиз уьмриъ гъапӀу вари ляхнарикан ктиту Касдиз лигай. Мумкин ву Думу Месигь хьузра?

Югьан 4:5

Ва магьа Иса Самарияйиъ айи Сихар кӀуру шагьриз гъюру. Думу шагьур Якьубди чан Юсуф кӀуру бализ бахиш гъапӀу хутӀлин багахь хьайи.

Югьан 11:45

Марʼямдихьна гъафи ва Исайи гъапӀуб гъябкъю жугьдарикан гизафдар Дугъахъ хъугънийи.

Югьан 4:42

Дурари думу дишагьлийиз кӀуру: «Сифте учу Исайихъ яв гафариз дилигну хъугъунча. Хъа гьамус Дугъахъ учу ич-учʼинди хъебехъну хъугърача, ва аьгъячуз: Думу дугъриданра дюнʼя уьрхру Месигь ву».

Матта 10:5

Гьаму йицӀикьюр кас Исайи, гьамциб насигьят тувну, гьаъру: – Жугьдар дарудар яшамиш шулайи йишвариз мягъянай ва Самарияйин саб шагьриъкьан муучӀванай;

Югьан 4:8

Дугъан ученикар шагьриз ипӀруб гъадабгъуз душнайи.

Югьан 4:30

Дурар шагьриан удучӀвну, Гьадгъахьна гъягъюру.

Югьан 4:38

Узу гьаъразачву, учву убгбан бадали, учву зегьмет дизригушваз. Жарадари зегьмет гъизигну, хъа учву дурарин зегьметнан бегьер уч апӀурачва.

Югьан 4:40

Самариялуйири, Исайихьна дуфну, Думу чпихь гъузуб тӀалаб апӀуру. Ва Думу дурарихъди кьюд йигъан гъузру.

Югьан 1:37

Дугъан му гафар гъеерхьу ученикар Исайин кьяляхъди гъягъюру.