Югьан 4:36 - Гирами Китаб

³⁶ Убгурайири гьамустӀанра чан гьякъи гъадабгъура ва зат ккудудубкӀру уьмриз бегьер уч апӀура, гъубзурра ва гъубгурра – кьюридра сабси шад хьпан бадали.

Югьан 4:36 Referans Kwoze

Рим агьларихьна вуйи кагъаз 1:13

Гъардшар, учвуз аьгъяди ккундузуз, жара халкьаризси, учвузра узкан артухъси мянфяаьт ктабгъуз шлуси, гизаф ражари узу учвухьна гъюз гьязур гъахьунза, хъа гьамусдизкьан, манигъвалар алахьури, гъюз гъабхьундарзухьан.

Рим агьларихьна вуйи кагъаз 6:22

Хъа гунгьариккан азад духьнайиган ва Аллагьдин лукӀар духьнайиган, гьамус, марцци яшайишдин хайир ачвуз, хъа диди гьаргандин уьмрихъна хуру.

Даниял 12:3

Фагьумлудар нурлу хьиди – завун ахсрарси, Гьякь рякъюхъ хъаърудар – хядарси, гьаммишандиз, аьсрариз!

Насигьятар 11:30

Гьякьвалин йимишдикан, уьмрин гьар ктубчӀвура, ва юкӀварра инсанарин, аькьюл айири мютӀюгъ апӀура.

Тимофейиз-1 4:16

Яв увʼин ва уву улупурайибдиин ул алди гъуз. Гьаму аьгъюваларихъан ижмиди хъичӀих, фицики гьамци апӀури, увура ва увухъ хъпехъурайидарра уьрхидиву.

Фессалоник-1 2:19

Учву дарди, сарун фужар шул ич миж кайидар, ич шадвал алидар, ич адлувалин заанвал хьайидар. Учвʼинди учу ихь Агъа Исайин улихь, Думу кьяляхъ гъафиган, фурслу хьидича?!

Насигьятар 11:18

Писуриз рубкьру пешкеш – кучӀлинуб, хъа гьякьвал убзруриз – дугъривалинуб.

Матта 19:29

Гьар шли Узу бадали чан хулар, вая чвйир, вая чйир, вая адаш, вая дада, вая чан веледар, вая хутлар дирчиш, дугъу гьадрар вари варж ражари артухъди гъадагъиди, ва дугъаз ккудудубкӀру уьмур рубкьиди.

Югьан 3:36

Аллагьдин Балихъ хъугънайириз зат ккудудубкӀру уьмур хьибди, хъа Дугъахъ хътругъуриз дициб уьмур рябкъидар ва дицириин гьаммишандиз Аллагьдин хъял хьибди.

Югьан 4:14

Хъа узу шид тувну гъубхъур сану гьич зат харгидар. Гьаз гъапиш Узу дугъаз туву шид зат ккудудубкӀру уьмур тувру яшайишдин булагъдиз илтӀибкӀиди.

Югьан 5:24

Гьякьлу вуйи гьякь кӀуразачвуз: шлиз Йиз Гаф ебхьураш ва фуж Узу Гьаурихъ хъугъраш, гьацири зат ккудудубкӀру уьмур гъазанмиш дапӀна, дицир суддин улихь дийигъидар. Дицир гьамустӀанра, дукӀну хьувалихьан, гьаргандин уьмриъ учӀвна.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Рим агьларихьна вуйи кагъаз 6:23

Фицики гунгьин кьимат аьжал ву. Аллагьдин багъиш – ихь Агъа, Месигь Исайихъди вуйи гьаргандин уьмур ву.

Коринф-1 9:17

Узу Ужувлан хабар йиз хушниинди рабгъураза. Йиз хушниинди дайиш, узу думу ляхин, йиз буржи вуди хьпаз дилигну, тамам апӀидийза. Хъа узу думу йиз хушниинди рабгъурайиган, пешкешра хьибдизуз.

Коринф-1 9:18

Йиз пешкеш фтилан арайиз гъюра? Хъа гьамдилан: Ужувлан хабар узу кьимат дарди рабгъураза ва узуз улупнайи ихтиярар ишлетмиш апӀурадарза.