Югьан 4:24 - Гирами Китаб

²⁴ Аллагь Рюгь ву ва гьаддиз Дугъаз икрам апӀрудари рюгьнииндина гьякьвалиинди Дугъаз икрам дапӀну ккунду.

Югьан 4:24 Referans Kwoze

Коринф-2 3:17

Агъа – Рюгь ву, хъа Агъайин Рюгь наан аш, гьадушваъ азадвалра а!

Филипп 3:3

Гьякь суннат дапӀнайидар, ухьу вухьа, гьаз гъапиш, ухьу Аллагьдин Рюгьну хъаъри, Дугъан гьякь гъуллугънаъ ахьа; Месигь Исайин уьмриинди ухьу заан, яни дамахлу вухьа ва му дюнʼяйинубдихъан хъичӀихнадархьа.

Паччагьлугъар-1 16:7

Амма РАББИЙИ дугъаз гъапи: – Дугъан зиълан рябкъювализ ва ягълишназ милиган; Узу думу ярхла апӀурза. Узу адми лигруганси лигурдарза аьхир: адми зиълан рябкъювализ, хъа РАББИ кӀваз лигуру.

Тимофейиз-1 1:17

Гьаци вуйиган, гъит гьаргандин Паччагьдиз, аьжал Хътруриз, Дярякъруриз ва Сар вуйи Аллагьдиз аьсрариан аьсрариз гьюрмат ва ад ибшри! Амин.

Коринф-2 1:12

Учу, гьаму дюнʼяйиндарихъди, иллагьки учвухъди ич аьлакьйир, намуслуди ва дугъриди дерккри гъахьунча, – ич марцци намуснура гьаци кӀура, – учу гьамдиинди тяриф апӀурача. Му учуз Аллагьдихьан дурубкьнайиб ву.

Югьан 4:23

Хъа гьациб вахт улубкьидики, ва думу улубкьузра улубкьна, халис икрам апӀрудари Адашдиз рюгьнииндина гьякьвалиинди икрам апӀиди. Ихь Адашди, иллагьки, гьамцдар икрам апӀрудар агура.