Югьан 4:23 - Гирами Китаб

²³ Хъа гьациб вахт улубкьидики, ва думу улубкьузра улубкьна, халис икрам апӀрудари Адашдиз рюгьнииндина гьякьвалиинди икрам апӀиди. Ихь Адашди, иллагьки, гьамцдар икрам апӀрудар агура.

Югьан 4:23 Referans Kwoze

Филипп 3:3

Гьякь суннат дапӀнайидар, ухьу вухьа, гьаз гъапиш, ухьу Аллагьдин Рюгьну хъаъри, Дугъан гьякь гъуллугънаъ ахьа; Месигь Исайин уьмриинди ухьу заан, яни дамахлу вухьа ва му дюнʼяйинубдихъан хъичӀихнадархьа.

Югьан 5:25

Гьякьлу вуйи гьякь кӀуразачвуз: вахт улубкьура – сану улубкьнура ву! – дийихнайидариз Аллагьдин Балин дих ебхьиди, ва гъеебхьдар гьаргандин уьмрихьна чӀиви хьиди.

Галат 4:6

Учву Чан веледар вуйиган, Аллагьди ичв кӀваъ, «Авва! Адаш!», кӀури, дих апӀру Чан Балин Рюгь аъну.

Рим агьларихьна вуйи кагъаз 8:26

Дидихьна, ухьуз, зяиф касариз, ихь зяифвализ дилигну, Рюгьну кюмек апӀурахьуз. Ухьуз хай вуйибси ккарагуз аьгъдархьуз, аммаки ухьхъанди Аллагьдиз мидкан гафариинди пуз даршлу гьигьариинди Рюгь Чав ккарагура.

Югьан 12:23

Исайи гъапи: – Аллагьдин аднаъ шлу Инсаниятдин Балин сяаьт улубкьну!

Эфес 6:18

Гьубкьу жюрейиинди ккарагай ва Рюгьнаъди учвуз ккуни вахтна Аллагьдикан тӀалаб апӀинай. Гьаци хьуз гьязурди ва Аллагьдин вари гирами халкьдихъан гьаммишан ккарагури гъузай.

Югьан 4:21

Исайи дугъаз кӀуру: – Хъугъ Узухъ, дишагьли, гьамус учву я му дагъдиин, я Ерусалимдиъ ихь Адашдиз икрам апӀидарчва – гьациб вахт улубкьура.

Югьан 1:17

Аллагьди ухьуз Къанун Мусайилантина тувну, хъа ужувларна гьякьвал Месигь Исайиланмина гъафидар ву.

Рим агьларихьна вуйи кагъаз 8:15

Ухьу кьабул дапӀнайи Рюгьну ухьу лукӀариз илтӀикӀурадар ва ухьуз цӀийи гучӀ ккапӀрадар, му Рюгьну ухьу Аллагьдин веледариз илтӀикӀура. Ва Дугъу «Авва», яна «Адаш» кӀури, гьарай апӀуз гъитра.

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.

Паччагьлугъар-1 12:24

Анжагъ РАББИЙИХЬАН гучӀ апӀинай, хъугъвалиинди ва дугъривалиинди, лап кӀваантӀан Дугъаз гъуллугъ апӀинай: Дугъу учву бадали гъапӀу зурба ляхнар кӀваълан магьаанай!

Югьан 16:32

Хъебехъай, Узу сарди гъитну, учву вари хулариз гьергру сяаьт улубкьура. Амма Узу сар дарза, гьаз гъапиш Узухъ Йиз Адаш хъазухъ.

Насигьятар 15:8

РАББИЙИЗ гьякьсузарин гъурбнар хяви ву, хъа дугъридарин ккарагбар Дугъаз кьабулди ву.

Рим агьларихьна вуйи кагъаз 1:9

Вари йиз юкӀв хъипну, Аллагьдин гъуллугънаъ аза. Дугъан Балкан варидариз Ужувлан хабар дебккри, гьарган узу учву кӀваин алауразачву. Магьа дидин шагьид Аллагь.

Югьан 5:28

Учву мидʼин мюгьтал махьанай, вари накьварик кайидариз Аллагьдин Балин сес ебхьру вахт улубкьура ва накьвариан удучӀвиди.

Югьан 16:2

Учву мистариан утӀурккури хьиди. Гьациб вахт гъибдики, учву йикӀрудари, чпи гьаци апӀбиинди, Аллагьдин гъуллугънаъ ача кӀури, фикир апӀиди.