Югьан 4:22 - Гирами Китаб

²² Учвуз, самариялуйириз, учву фтиз икрам апӀурашра, аьгъдарчвуз. Хъа учуз, жугьдариз, учу фтиз икрам апӀураш, аьгъячуз, фицики уьрхювал жугьдарихьанмина гъибди.

Югьан 4:22 Referans Kwoze

Ляхнар 17:23

фицики узу шагьриантина гъягъюрайиган ва ичв гирами йишвариз лигурайиган, «Мялум дару аллагьдиз» кӀури дибикӀнайи гъурбан апӀру йишвра гъябкъюнзуз. Магьа учву, Учв фуж вушра аьгъдарди, икрам апӀурайи Аллагь, узу учвуз ачмиш апӀурайи Гьадму Аллагь ву.

Лука 24:47

ва, вардари чпин гунгьар гардандиъ дисруси, Аллагьди чпилан хил алдабгъруси, Ерусалимдилан ккебгъну варишвариъ Йиз ччвурнахъан Ужувлан хабар рабгъиди.

Ляхнар 17:30

Аллагьди ихь аьгъдруваларин вахт ихь тахсир вуди гьисаб апӀурадар, хъа гьамус Дугъу варишвариъ вари адмийириз чпин тахсрар гардандиъ дисуб амур апӀура.

Жугьдариз 7:14

Ихь Агъа Ягьудайин тухмиан вуйиб аьгъяхьуз, хъа Мусайилантина тувнайи Аллагьдин Къанундиъ гьадму тухмиан вуйи гъуллугъчйирикан гьич фукӀара дупнадар.

Эвел 49:10

Ягьудайихь гьарган паччагьвалин маргъ хьибди. Гьарган дугъан насларихь хьибди думу чумакъ, дидин Эйси гъяйизкьан – вари халкьар Чаз мютӀюгъ шлур.

Ляхнар 3:26

Аллагьди сифте учвухьна, ичв чӀуру рякъяриан адаъну, учвуз ужувлар хьпан бадали, Чав чӀиви гъапӀу Чан Гъараваш Иса гьаъна.

Рим агьларихьна вуйи кагъаз 11:18

Гьаци вуйиган, кюлерин зиин фурс мапӀан, гьаз гъапиш, ччивариз уьмур туврайир уву дарва, хъа ччивари увуз уьмур тувра.