Югьан 4:19 - Гирами Китаб

¹⁹ – Я аьхю кас! – кӀуру Дугъаз дишагьлийи, – Уву пайгъамбар вуди рякъюразуз.

Югьан 4:19 Referans Kwoze

Югьан 6:14

Исайи гъапӀу му аьламат гъябкъиган, адмийири пуз хъюгъю: – Му Кас якьинди дюнʼяйиз дуфну ккуни Гьадму Пайгъамбар ву! –

Лука 7:39

Му ляхин гъябкъиган, теклиф дапӀну, Иса хулаз хъади гъафи фарисейи чав-чакди фикир апӀуру: – Эгер Думу дугъриданра пайгъамбар вуйиш, Чак хилар катрайи дишагьли фуж вуш, Дугъаз аьгъю шлийи. Думу гунагькар даринхъа!

Югьан 9:17

Курди гъаширихьан хъана гьерхру: – Уву кӀурава, Дугъу увуз рябкъювал тувну. Яв хиялиан Думу Фуж ву? – Пайгъамбар, – жаваб туву дугъу.

Лука 7:16

Мушвʼин вардарик пис гучӀ кабхъну, Аллагьдин адар апӀури, гьамци кӀури гъахьну: – Ихь арайиз зурба пайгъамбар адахъна, ва Аллагь Чан халкьдин гъайгъушнаъ а.

Югьан 7:40

Му гафар гъеерхьиган, халкьдин арайиан сякьюдари кӀуру: – Му дугъриданра Пайгъамбар ву. Хъа жарадари кӀуйи: – Му Месигь ву!

Матта 21:11

Хъа халкьдигъян: – Му Галилейин Назаретдиан вуйи Иса пайгъамбар ву, – кӀури, жаваб тувнийи.

Лука 24:19

Исайи дурариз гъапи: – Фтикан? Дурари Исайиз кӀуру: – Аллагьдин ва вари халкьдин улихь, ляхнариъ ва гафнаъ кьувватлу пайгъамбар вуйи Назаретдин Исайикан.

Паччагьлугъар-4 6:12

Багахь гъуллугъ апӀурайидарикан сари гъапнийи: – ФужкӀа, йиз агъа вуйи паччагь. Израилин паччагьдихьна гьятта уву яв дахъру хулаъ гъапӀу гафарра кмиди рукьрур – му Израилиъ айи пайгъамбар Элиш ву.

Паччагьлугъар-4 5:26

Амма Элиш пайгъамбри дугъаз гъапнийи: – Уву къаршуламиш апӀуз думу инсан фургъниан эдеъруган, мегер йиз рюгь увухъди хътайкӀан? Арс бисуз ясан палтар, зейтундин гьарар, тӀумтӀин багълар, сюрйир, лижар, гъараваш жилар ясан гъараваш дишагьлийир кьабул апӀуз вахт вуйинхъа?

Югьан 4:29

– Узухъди гъачай ва узу йиз уьмриъ гъапӀу вари ляхнарикан ктиту Касдиз лигай. Мумкин ву Думу Месигь хьузра?

Югьан 4:18

Фицики уву хьуб ражари швувахь гъахьунва, хъа гьамусяаьтди увухъ хъайир яв жилир дар. Уву дюз гъапунва.