Югьан 4:14 - Гирами Китаб

¹⁴ Хъа узу шид тувну гъубхъур сану гьич зат харгидар. Гьаз гъапиш Узу дугъаз туву шид зат ккудудубкӀру уьмур тувру яшайишдин булагъдиз илтӀибкӀиди.

Югьан 4:14 Referans Kwoze

Югьан 6:35

Исайи дурариз кӀуру: – Узу вуза уьмур хурайи уьл. Фуж узухьна гъюруш, затра гашди гъузидар. Узухъ хъугънайир гьич затра харгидар.

Ачмиш 7:16

ва дурариз гьич зат я къурагьвал, я гашʼвал аьгъю хьибдар, я ригъди дурар ургидар, я пис манишнан ялавну ккагъидар,

Югьан 11:26

Хъа гьарсар, яшамиш шулади Узухъ хъугънайир аьсрариъра йикӀидар. Уву гьамдихъ хъугъурна?

Югьан 6:58

Аьршариан гъафи Уьл магьа гьамциб ву. Хъа думу ичӀи чюлиъ ичв ата-бабйири гъипӀу завариан гъафи маннасиб дар – хъасин, гьар чан аьжалниинди, дурарра гъийихнийи. Хъа шли аьршариан вуйи гьаму Уьл ипӀураш, гьадгъу зат ккудудубкӀру уьмур хъапӀди.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Коринф-2 1:22

ва Чан лишан учʼин йивна. Ихь юкӀвариъ Дугъу, гъюз имбубдин тасдикьвал вуди, Гирами Рюгь аъна.

Рим агьларихьна вуйи кагъаз 6:23

Фицики гунгьин кьимат аьжал ву. Аллагьдин багъиш – ихь Агъа, Месигь Исайихъди вуйи гьаргандин уьмур ву.

Петрин-1 1:22

Учвуз ичв хъугънайи гъардшар, жвув гьякьвалихъ хъебехъну марцц гъахьиган, кью-кьюб маш гъидривру масанвалиинди, марцци юкӀвариинди ва жандин вари кьувватниинди ккун гъахьунчвуз!

Югьан 10:10

Хъа тӀафал саб апӀуз гъюри шулу: гьитӀибкӀбан бадали, йибкӀбан ва пуч апӀбан бадали. Узу гъафунза гьацдариз уьмур хьади, варибдиъ – абцӀу уьмур.

Эфес 4:30

Ккадаъру Йигъ гъяйиз учвʼин печать йивнайи Аллагьдин Гирами Рюгьназ гиран макадапӀанай.

Рим агьларихьна вуйи кагъаз 5:21

ва гунагь апӀували фици чахьди аьжал хури, агъавал апӀуз хъюбгънуш, гьаци Аллагьдин ужʼвалира ихь Агъа Иса Месигьдиланмина, ухьуз гьаргандин уьмур тувбан бадали, гьякьлуди агъавал апӀуз хъюбгъди.

Матта 25:46

Гьамци, нягьякьдар жегьеннемдин ккудудубкӀру аьзабнаъ ахьди, хъа гьякьлудар ккудудубкӀру уьмур хъапӀри хьиди.

Матта 5:6

Агъайин гьякьвалихъ дахаргнайидар бахтаврар ву, фицики Аллагьди дурар тухъ апӀиди.

Югьан 4:10

Исайи жаваб туву: – Эгер увуз, Аллагьди адмийириз фу тувруш, аьгъяйиш ва, «Узуз убхъруб чава» КӀурайир Фуж вуш, аьгъяйиш, уву Узхьан шид ккун апӀидийва ва Узу увуз чӀиви шид тувдийза.

Югьан 4:11

– Я аьхю кас! – кӀуру Дугъаз дишагьлийи, – Увухь гьич бедрекьан хьадарвухь, хъа гъуйи деринуб ву. Хъа Уву дициб шид наънан гъадабгъидийва?

Югьан 4:13

Исайи жаваб тувру: – Му шид убхъру гьарсар касдиз цӀиб арайилан хъанара убхъуз ккун хьибди.

Югьан 4:36

Убгурайири гьамустӀанра чан гьякъи гъадабгъура ва зат ккудудубкӀру уьмриз бегьер уч апӀура, гъубзурра ва гъубгурра – кьюридра сабси шад хьпан бадали.

Югьан 6:27

Ухди пуч шлу му дюнʼяйин хураг бадали ваъ, хъа гьаргандин уьмур тувру ва зат пуч даршлу хураг бадали чалишмиш йихьай. Гьациб уьмур учвуз Инсаниятдин Бали тувра, фицики ихь Адаш Аллагьди Инсаниятдин Бай Чан кьудратниинди, печать йивну, лишанламиш дапӀна.

Югьан 7:37

Машкврин аьхиримжи, вартӀан машгьур йигъан Исайи, гъудужвну, аьхю дихниинди кӀуру: – Фуж дахаргнаш, гъит гьадму Узухьна гъюри!

Ачмиш 7:17

гьаз гъапиш тахтниин али Ччилу дурар уьрхиди, ва уьмур хру штун булагъарихъна гъахиди. Аллагьди дурарин уларилан гьарсаб нивгънан цӀадал марцц апӀиди».