Югьан 3:8 - Гирами Китаб

⁸ МикӀ ккунишвахъинди хъивру. Увуз дидин сес ебхьурувуз, хъа думу наанди ва наънан хъивраш, аьгъю шулдарвуз. Гирами Рюгьнакан бабкан гъаширра, ари гьаци ву.

Югьан 3:8 Referans Kwoze

Коринф-1 2:11

Шлихьан чаъ яшамиш шулайи чан хусуси рюгьналан гъайри чан кӀван ниятар аьгъю апӀуз шулу? Гьаци, Аллагьдин ниятарра Чан Рюгьналан гъайри гьич саризра аьгъдар.

Ляхнар 2:2

Сабпну завариан тӀурфансиб микӀлан сес шулу ва вакилар айи хал абцӀру.

Югьандин-1 2:29

Эгер учвуз Думу дугъри вуйиб аьгъяш, учвуз гьацира аьгъячвузки: дугъривалиинди яшамиш шулайидар Аллагьдин веледар вуйибра.

Ляхнар 4:31

Ккарагбахъан, дурар али йишв тӀубччвуру ва дурар Гирами Рюгьнахъди ацӀру. Гьаддиз дурари Аллагьдин Гаф аьшкьниинди пуз хъюгънийи.

Коринф-1 12:11

Мурар вари – гьадму сар Рюгьнан ляхнар ву. Гьаму багъишар Дугъу гьардиз Чаз ккуниси тувру.

Югьан 1:13

Дурар инсанарин ниятариинди, ясана адмийириз ккун гъабшиган бабкан шлудар дар. Думу веледар Аллагьдихьан ву.

Югьан 3:7

Узу увуз: учву цӀийикӀултӀан бабкан духьну ккунду, гъапну кӀури, мюгьтал махьанай.

Югьан 3:9

– Дици фици хьуз мумкин ву? – пну, гьерху Никодимди.