Югьан 3:6 - Гирами Китаб

⁶ Бедендикан бабкан шлуб беден ву. Анжагъ Гирами Рюгьнакан рюгьтӀан бабкан шулдар.

Югьан 3:6 Referans Kwoze

Коринф-2 5:17

Гьаддиз, Месигьдик кидикьнайир, цӀийиди бабкан духьнайир ву. Йирсивал имдар, цӀийиб дуфна!

Югьандин-1 3:9

Аллагьдин веледар гъахьидарикан гьич сарира гунгьар давам апӀдар, гьаз гъапиш дицир касдиъ Аллагьдин тум а. Гьаддиз дицирихьан гунагь тӀулар апӀури гъузуз шулдар, гьаз гъапиш думура Аллагьдин веледарикан сар духьна.

Коринф-1 6:17

Хъа фуж Агъайик ктикьиш, думу Гьадгъахъди рюгьниинди сатӀи шула.

Рим агьларихьна вуйи кагъаз 7:18

Узуъ, йиз гунагькар бедендиъ, ужʼвал яшамиш шули адрувал аьгъязуз. Ужудар ляхнар апӀуз ккунди шулзуз, хъа дицдар ляхнар апӀурадарза.

Эвел 6:12

Заануриз жил пуч дубхьнайиб гъябкънийи, фицики вари инсанар кьяни рякъюъди гъягъюз хъюгънийи.

Рим агьларихьна вуйи кагъаз 8:13

Эгер учву ичв бедендин гьюкмиъ яшамиш шулуш, йихидичву. Хъа эгер учву рюгьниинди ичв гунагькар бедендин тямягьар гъачӀиш, уьмур гъазанмиш апӀидичва.

Эфес 2:3

Саб вахтназ ухьура гьацдар вуйхьа ва, бедендиз ккуниси, ихь тямягьярин ва ихь чӀуру ниятарин ляхнар апӀуйхьа. Варидарихъди ухьузра, ихь хасиятназ дилигну, Аллагьдин хъял ккилибгурайи.

Колосс 2:11

Гунагьнан хасият учвлан, палатси, уьлчӀюбгъю Месигьди ичв суннат Чаъ гъапӀну. Думу адмийин хилари апӀурайибсиб суннат дар.

Галат 5:24

Месигь Исайиндари, чпин гунагькар бедендин вари дерккуз даршлу ва чиркин тямягьяр хачрак карсна.

Югьан 1:13

Дурар инсанарин ниятариинди, ясана адмийириз ккун гъабшиган бабкан шлудар дар. Думу веледар Аллагьдихьан ву.

Рим агьларихьна вуйи кагъаз 7:5

Фицики ухьу бедендиз ккуниб апӀури яшамиш шулайхьа. Къанундиланмина шулайи ихь гунагькарвалин тямягьяри ихь жанариин агъавал апӀуйи. Диди ухьу аьжализ хурайхьу.

Эвел 6:5

РАББИЙИЗ жилиин инсанарин улдугнайивал, дурарин кӀван фикрар ва хиялар гьаммишан писдар вуйивал рябкъюру.

Эвел 5:3

Адамдиз, дугъан варжна сумчӀур йис вуйиган, чаз ухшар вуйи бай шулу. Дугъаз Шит кӀуру ччвурра тувру.

Рим агьларихьна вуйи кагъаз 7:25

Ихь Агъа Иса Месигьдилантина ухьу уьрхру Аллагьдиз баркаллагь! Гьаддиз, узу сар вуди, йиз фагьум Аллагьдин Къанундин гъуллугънаъ а, хъа йиз беден гунагьнан гъуллугънаъ а.

Югьан 3:7

Узу увуз: учву цӀийикӀултӀан бабкан духьну ккунду, гъапну кӀури, мюгьтал махьанай.