Югьан 3:36 - Гирами Китаб

³⁶ Аллагьдин Балихъ хъугънайириз зат ккудудубкӀру уьмур хьибди, хъа Дугъахъ хътругъуриз дициб уьмур рябкъидар ва дицириин гьаммишандиз Аллагьдин хъял хьибди.

Югьан 3:36 Referans Kwoze

Югьан 5:24

Гьякьлу вуйи гьякь кӀуразачвуз: шлиз Йиз Гаф ебхьураш ва фуж Узу Гьаурихъ хъугъраш, гьацири зат ккудудубкӀру уьмур гъазанмиш дапӀна, дицир суддин улихь дийигъидар. Дицир гьамустӀанра, дукӀну хьувалихьан, гьаргандин уьмриъ учӀвна.

Югьан 1:12

Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну.

Фессалоник-1 5:9

Гьаз гъапиш Аллагьди ухьуз Чан хъял улупнадар, хъа, ихь Агъа Иса Месигьдиланмина вуйи ухьу уьрхювал улупна.

Эфес 5:6

Гъит, зиихъ дупнайибдиз къаршу удучӀвну, гьич сарира учву алдатмиш дарапӀри, гьаз гъапиш мютӀюгъ дарудари чпиина Аллагьдин хъял алапӀура.

Рим агьларихьна вуйи кагъаз 5:9

Гьамус, Месигьдин аьжалилантина Аллагьдин улихь ухьу гьякь духьнайиган, мидлан артухъ, Гьадгъу Аллагьдин хъялнахьан уьрхидихьу.

Югьан 8:51

Гьякьлу вуйи гьякь кӀуразачвуз: шли Йиз Гаф чаъ гъюбхиш, аьсрариъ гьацириз аьжал рябкъидар.

Югьан 10:28

Узу тувдиза дурариз гьаргандин уьмур, дурар аьсрариъра йихдар, дурар Узхьан сарира гьитӀикӀдар.

Югьан 3:3

Исайи дугъаз жаваб вуди кӀуру: – Гьякьлу вуйи гьякь кӀуразавуз: анжагъ учв цӀийикӀултӀан бабкан гъаширихьантӀан Аллагьдин Паччагьлугъдиъ учӀвуз хьибдар.

Ачмиш 21:8

Хъа гучӀбяхярин, масу туврударин, намуссузарин, йивну йихрударин, кьяппйирин, фалчйирин, идолариз икрам апӀрударин ва вари кучӀляхярин йишв цӀииндина гугутдиинди убгурайи дагар ву. Му кьюбпи аьжал ву».

Фессалоник-1 1:10

Дурари гьацира Аллагьди чӀиви гъапӀу Чан Бализ – гьамус гъюз ккайи Суддин хъялнаккан ккадаъру Исайиз, аьршариан Думу гъяйиз, учву ккилигури гъузну ккуниваликан ктибтури шулчуз.

Галат 3:10

Къанундихъ йирфар хъирчну, дидин аьдатар тамам апӀуз ккунидар агьнакк ккахъуз мумкин ву, гьаз гъапиш «Къанундин китабдиъ дибикӀнайиб вари, сабкьан гъидидипди, тамам дарапӀрур, агьнакк ккахъна» кӀури, дибикӀна.

Рим агьларихьна вуйи кагъаз 8:1

Сарун Месигьдихъди яшамиш шулайидарик тахсир кипдар.

Лука 3:6

Гьарсар жан алириз Аллагьди Чав гунгьариккан азад апӀувал рябкъиди».

Жугьдариз 10:29

Хъа ичв фикриинди, Аллагьдин Бай ликриккан апӀруриз, Йикьрар гъийитӀу Гирами ифи фукӀа дарубси гьисаб апӀруриз ва ужувлан Рюгь беябур апӀруриз фукьан аьхю жаза гьадабтӀур?

Жугьдариз 2:3

Хъа гьамус, зурба уьрхювал кьабул дарапӀиш, гьадабтӀру жазайиккан ухьхьан сарун фици гьергуз хьибди? Чав Агъайи сифте му уьрхювал ухьуз дебккну, му Гьадгъукан гъеебхьдари тасдикь гъапӀунчуз.

Рим агьларихьна вуйи кагъаз 4:15

Фицики тамам дарапӀру Къанунди Аллагьдик хъял капӀру, хъа Къанун адрушваъ думу чӀюбгъюзра шулдар.

Лука 2:30

сарун, магьа вари халкьарин улихь Уву улупу, учу завалариккан уьрхюз дуфнайи Месигь Вуйир, аллагьсузар зигьимдихьна гъахру нур Вуйир ва Яв Израилин халкьдин адлувал Вуйир йиз улариз гъяркъниз.

Матта 25:46

Гьамци, нягьякьдар жегьеннемдин ккудудубкӀру аьзабнаъ ахьди, хъа гьякьлудар ккудудубкӀру уьмур хъапӀри хьиди.

Марк 16:16

Шли, хъугъну, штуан апӀувал кьабул гъапӀиш, думу женнетдиъ ахъди, хъа фуж хътругъиш, думу жегьеннемдиъ итди.

Югьан 4:36

Убгурайири гьамустӀанра чан гьякъи гъадабгъура ва зат ккудудубкӀру уьмриз бегьер уч апӀура, гъубзурра ва гъубгурра – кьюридра сабси шад хьпан бадали.

Югьан 6:58

Аьршариан гъафи Уьл магьа гьамциб ву. Хъа думу ичӀи чюлиъ ичв ата-бабйири гъипӀу завариан гъафи маннасиб дар – хъасин, гьар чан аьжалниинди, дурарра гъийихнийи. Хъа шли аьршариан вуйи гьаму Уьл ипӀураш, гьадгъу зат ккудудубкӀру уьмур хъапӀди.

Ляхнар 14:2

Хъа хътругъу жугьдари, Варнавдизна Павелиз къаршу вуди, жугьуд дарударик хъял капӀру.

Жугьдариз 3:18

Аллагьди, рягьятвал туврушваъ учӀвидарчва кӀури, фужариз ху гъапӀну? Чахъ хъпебехърудариз дайин?

Жугьдариз 3:19

Ари ухьуз, чпин хътругърувализ дилигну, дурар душваъ учӀвуз дархьувал рябкъюрахьуз.