Югьан 3:34 - Гирами Китаб

³⁴ Фицики Аллагьди Гьаънайир Аллагьдин гафариинди улхура, гьаз гъапиш Аллагьди Дугъаз бегьем Гирами Рюгь тувна.

Югьан 3:34 Referans Kwoze

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Югьан 15:26

Саки учвухьна Хъюгърур гъафиган, яна Адашдихьан гъюрайи Гьякьнан Рюгь, Узу учвухьна Адашдихьан гьаъдиза – ва Думу Йиз шагьид хьиди.

Матта 12:18

«Магьа Узу кадагънайи Йиз Гъуллугъчи. Узуз Ккунир. Дугъʼин Йиз юкӀв рази ву. Дугъахьна Йиз Рюгьра гьаъраза. Ва Дугъу вари жугьуд дару халкьариз, гьякьвалин вахт улубкьна кӀури, хабар тувди.

Колосс 2:9

Гьаз гъапиш вари Аллагьдин тамамвал Гьадгъаъ рябкъюри а.

Югьан 5:26

Фици Адаш уьмрин булагъ вуш, гьаци Байра Дугъу уьмрин булагъ гъапӀну.

Лука 4:18

– Агъайин Рюгь Узʼин ал. Узуз Аллагьди касибариз Ужувлан хабар рабгъуз гьюкум тувнайиз ва Узу йисирариз азадвал хьади, курариз акв хьади ва гьацира зулум-зиллетнакк ккайидар азад апӀуз ва

Колосс 1:19

фицики Аллагьдиз, вари тамамвал Гьадгъаъ ади хьуб ккун гъабхьну.

Рим агьларихьна вуйи кагъаз 8:2

Гьаз гъапиш Месигь Исайилантина уьмрихъна хурайи рюгьнан законди узу гунгьарихъна ва аьжалихъна хурайи закондиккан азад гъапӀну.

Югьан 7:16

Исайи гъапи: – Йиз аьгъювалар Йиздар дар, хъа Узу Гьауриндар ву.

Югьан 3:17

Аллагъди Чан Бай дюнʼяйиз, дидин диван апӀуз ваъ, хъа Гьадгъулантина дюнʼя дюбхну хьуз гьаъну.

Югьан 1:16

Дугъан абцӀнайи ужувлиинди ухьуз ужувлахъди ужʼвал гъабхьунхьуз.

Эфес 3:8

Узуз, Аллагьдин халкьдин арайиъ варитӀан асккануриз, гьаму багъиш тувназуз: Аллагь аьгъдрудариз ебцуз удудубкьру Месигьдин девлетнакан Ужувлан хабар дебккуб.

Югьан 8:47

Фуж Аллагьдинур вуш, гьадму Аллагьдин гафарихъ хъпехъура. Учву Аллагьдин даруган, гьаддиз учву Узухъ хъпехъурадарчва.

Ачмиш 22:1

Хъасин малайикди узуз хрусталси нур туврайи уьмрин штун нир улупзуз. Думу нир Аллагьдинна Ччилан тахтнаккан ккудубчӀвурайи

Югьан 16:7

Хъа Узу гьякь кӀуразачвуз: учвуз ужʼвал бадали гъяраза. Эгер Узу дурушиш, Хъюгърур учвухьна гъидар. Хъа Узу гъушиш, Думу учвухьна гьаъдиза.

Паччагьлугъар-4 2:9

Дурар ктучӀвиган, Илʼяс пайгъамбри Элишдиз гъапнийи: – Йип, узу увхьан гьадагъайиз, фу апӀуза увуз? – Яв рюгь кьюб кьадарнаъди узухьна гъюруганси апӀин, – жаваб тувнийи Элишди.

Ачмиш 21:6

Дугъу гъапизуз: «Тамам гъабхьну! Узу – Альфа ва Омега, Эвел ва Аьхир вуза. Гъах духьнайириз уьмрин булагъдиккан Узу чӀанади шид убхъуз гъитдиза.

Югьан 8:40

Хъа учвуз Узу йикӀуз ккундачвуз. Чаз Аллагьдикан деебхьнайи гьякьвал учвуз улупурайи Гьадму Адми йикӀуз ккундачвуз! Гьамци гъапӀнийинхъа Ибрагьимди?!

Ляхнар 1:2

Дугъан уьмур, Дугъу Чан ученикарикан ктагъу вакилариз Гирами Рюгьналантина насигьятар тувну, Учв аьршариз удучӀвайиз, лап эвелиан хъюгъну улупунза.