Югьан 3:23 - Гирами Китаб

²³ Гьадму вахтна Ягьʼяра Салим кӀурушвахь хьайи Энондиъ адмийир штуан апӀури шулу, гьаз гъапиш душваъ шид гизаф айи ва дина штуан хьуз хайлин халкь гъюри гъахьну.

Югьан 3:23 Referans Kwoze

Лука 3:7

Чахьна штуан апӀуз гъафи халкьдиз Ягьʼяйи кӀуйи: – БитӀракан гъахьидар! Гъюз ккайи Аллагьдин хъюлхьан гьергуз шли улупунчвуз?

Паччагьлугъар-1 9:4

Думу Ефраимдин дагъларилан ва Шалиша жилилан илдицу, амма дугъаз дурар гъидихъдар; Шаалим жилилан илдицу, амма душваъра дурар адайи; Вениаминдин жилилан илдицу, амма душваъра дурариз фукӀа гъибихъдар.

Эвел 33:18

Паддан-Арамдиан кьяляхъ гъафи Якьуб, Ханаан жилиин али Шехем шагьриз сагъ-саламатди гъафи, ва шагьрин гъирагъдихъ яшамиш хьуз хъюгъру.

Ачмиш 19:6

Узуз адмийирин зурба гъварчнан гъугъ, ясана урсрайи штарин гъугъ, ясана кьудратлуди завар рахурайи гъугърумарин гъугъсиб дих гъеебхьунзуз: «Аллилуя! Агъа, ихь Аллагь, вари хилиъ Дибиснайир, паччагьди дийигъну!

Ачмиш 14:2

Хъа узуз завариан, ягъли гъарзарилан убсрайи нирин гъугъсиб ва завар рахбан гъугърумарстар дихар гъеерхьунзуз. Узуз гъеерхьу дихар гьацдар, мукьмар йивурайи чюнгринстар вуйи.

Ачмиш 1:15

хъа ликар пичраъ крабчӀури убгурайи рукьси вуйи, Дугъан дихра ягъли гъарзарилан урсрайи штарин гъугъси вуйи.

Югьан 3:22

Мидхъантина Иса, Чан ученикарра хъади, Ягьудия уьлкейин ругариина гъюру ва, душваъ гьадрарихъди яшамиш шули, дурар штуан апӀури гъахьну.

Югьан 3:24

Му Ягьʼя дустагъдиъ итайиз гъабхьиб вуйи.