Югьан 3:18 - Гирами Китаб

¹⁸ Дугъахъ хъугънайирин диван апӀидар, хъа фуж Дугъахъ хъугъундарш, сарун диван гъапӀу мисал ву, гьаз гъапиш думу Аллагьдин багъри Балихъ хъугъундар.

Югьан 3:18 Referans Kwoze

Югьандин-1 5:10

Аллагьдин Балихъ хъугърайири му шагьидвал чан кӀваъ дибисна. Хъа Аллагьдихъ хътругърайири Аллагь кучӀляхиз илтӀикӀура, гьаз гъапиш, Чан Балкан вуйи Аллагьдин шагьидвалихъ дурар хъугърадар.

Марк 16:16

Шли, хъугъну, штуан апӀувал кьабул гъапӀиш, думу женнетдиъ ахъди, хъа фуж хътругъиш, думу жегьеннемдиъ итди.

Рим агьларихьна вуйи кагъаз 8:1

Сарун Месигьдихъди яшамиш шулайидарик тахсир кипдар.

Югьан 5:24

Гьякьлу вуйи гьякь кӀуразачвуз: шлиз Йиз Гаф ебхьураш ва фуж Узу Гьаурихъ хъугъраш, гьацири зат ккудудубкӀру уьмур гъазанмиш дапӀна, дицир суддин улихь дийигъидар. Дицир гьамустӀанра, дукӀну хьувалихьан, гьаргандин уьмриъ учӀвна.

Югьандин-1 5:12

Шлиз Бай аш, дугъаз гьадму уьмурра а. Хъа шлиз Аллагьдин Бай адарш, дугъаз гьадму уьмурра адар.

Югьан 3:36

Аллагьдин Балихъ хъугънайириз зат ккудудубкӀру уьмур хьибди, хъа Дугъахъ хътругъуриз дициб уьмур рябкъидар ва дицириин гьаммишандиз Аллагьдин хъял хьибди.

Рим агьларихьна вуйи кагъаз 5:1

Ихь Агъа Иса Месигьдихъ хъугъну, ухьу гьякь духьнайиган, Аллагьдихъди Иса Месигьдилантина ихь аьлакьйир дерккунхьа.

Югьандин-1 4:9

Магьа фици Аллагьди Чан масанвал ухьухьна улупнуш: Дугъу Чан айина-адру сар Бай, Гьадгъулантина ухьуз гьаргандин уьмур хьпан бадали, гьаму дюнʼяйиз гьаъну.

Рим агьларихьна вуйи кагъаз 8:34

Шли дурар тахсирлу апӀиди? Месигь Иса гъакӀну, хъа чӀиви гъахьну, хъа гьамус Аллагьдин арччулну хилихъинди деъна ва ухьхъанди ккарагура.

Югьан 20:31

Аммаки гьаму вари дибикӀнайиб, учву Иса Месигь вуйибдихъ, Думу Аллагьдин Бай вуйибдихъ хъугъри пну ва Дугъахъ хъугъбиинди учвуз зат ккудудубкӀру уьмур хьпан бадали дибикӀнайиб ву.

Югьан 6:47

Гьякьлу вуйи гьякь кӀуразачвуз: фуж хъугъраш, гьадгъу гьаргандин уьмур гъазанмиш дапӀна.

Югьан 6:40

Даршуз магьа Йиз Адашдиз ккундайиб: Чан Бай рякъруриз ва Дугъахъ хъугъру гьарсар касдиз гьаргандин уьмур хьуб. Узу думу гъиямат йигъан гьаргандин уьмрихьна хътаидиза.

Югьан 1:18

Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.

Жугьдариз 2:3

Хъа гьамус, зурба уьрхювал кьабул дарапӀиш, гьадабтӀру жазайиккан ухьхьан сарун фици гьергуз хьибди? Чав Агъайи сифте му уьрхювал ухьуз дебккну, му Гьадгъукан гъеебхьдари тасдикь гъапӀунчуз.

Жугьдариз 12:25

Лигай, учвухьна илтӀикӀурайи Аллагь тина мапӀанай. Израиларихьан гьаму жилиин гафар апӀурайирихъ хъпебехъган гьадабтӀу жазайиккан кӀул ккадабгъуз дархьиган, дидлан артухъ аьршариан гафар АпӀурайирихьан гьудучӀвиш, ухьхьанра кӀул ккадабгъуз хьибдар.

Югьан 1:12

Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну.

Югьан 3:16

Аллагьдиз дюнʼя гьаци ккун гъабхьнуки, Дугъу Чан айи-адру сар багъри Бай, Дугъахъ хъугъну, гьарсар кас дукӀну даришри, хъа зат ккудудубкӀру уьмур ибшри пну, гьаъну гъурбан гъапӀну.

Жугьдариз 3:19

Ари ухьуз, чпин хътругърувализ дилигну, дурар душваъ учӀвуз дархьувал рябкъюрахьуз.

Югьандин-1 3:23

Магьа ухьуз Аллагьди фициб табшуругъ дебккнаш: ухьу Дугъан Бай – Иса Месигьдихъ хъугъну ккунду, ва Исайи ухьуз табшурмиш гъапӀиганси, ухьу сари-сар ккун дапӀну ккунду.