Югьан 3:17 - Гирами Китаб

¹⁷ Аллагъди Чан Бай дюнʼяйиз, дидин диван апӀуз ваъ, хъа Гьадгъулантина дюнʼя дюбхну хьуз гьаъну.

Югьан 3:17 Referans Kwoze

Югьандин-1 4:14

Му вари учуз гъябкъюнчуз ва Адашди Чан Бай дюнʼя уьбхюз гьаувалин шагьидар гъахьунча.

Лука 19:10

Инсаниятдин Бай пуч шулайидар агуз ва ккадагъуз дуфнайир ву.

Югьан 6:57

Узу гьау чӀиви Адашдиантина Узу фици яшамиш шулаш, гьаци Йиз беден ипӀурайидарра Узʼантина яшамиш хьиди.

Югьан 6:40

Даршуз магьа Йиз Адашдиз ккундайиб: Чан Бай рякъруриз ва Дугъахъ хъугъру гьарсар касдиз гьаргандин уьмур хьуб. Узу думу гъиямат йигъан гьаргандин уьмрихьна хътаидиза.

Югьан 6:29

Исайи жаваб туву: – Магьа Аллагьдиз ккуниб: Дугъу Гьаурихъ хъугъай.

Югьан 20:21

– Мясляаьт учвуз! – текрар апӀуру Дугъу. – Адашди Узу фици гьаънуш, гьаци Узу учвура гьаъраза.

Югьандин-1 2:2

Ари Гьадму гъурбан духьну, ихь гунгьариккан, неинки ихь, хъа гьацира вари дюнʼяйин гунгьариккан ккадауз Гъитур ву.

Югьан 17:3

Хъа гьаргандин уьмур – му Уву, сар вуйи, гьякьлу вуйи Аллагь, ва Уву гьау Иса Месигь аьгъю апӀувал ву.

Югьан 11:42

Увуз Узу гьарган ерхьурайиб аьгъязуз. Гьамушвʼин али халкь Узу Уву гьаънайибдихъ хъугъри пну, ачухъди кӀурайиб вуйиз!

Югьан 7:29

Хъа Думу Узуз аьгъязуз, фицики Узу Гьадгъухьан гъафир вуза ва Узу Гьадгъу гьаъну.

Югьан 5:45

Узу Адашдин улихь учву тахсир апӀур, кӀури, фикир мапӀанай. Учву тахсиркрар апӀрур Муса хьиди, фицики учву гьадгъуин умудлу вучва!

Югьан 8:42

Исайи дурариз жаваб туву: – Эгер ичв адаш Аллагь вуйиш, учвуз Узу ккунди хьидийчвуз, фицики Узу Аллагьдихьан гъафир вуза ва Гьадгъахьна гъягъюраза. Узу Узхьан дуфнадарзаки – Гьадгъу Узу гьаъну.

Югьан 1:29

Хъайигъан Ягьʼяйиз чахьинди гъюрайи Иса рякъюру ва кӀуру: «Магьа, дюнʼяйин гунгьар Чаина гъадагъуз ккайи Аллагьдин Агълиж гъюра.

Югьан 17:8

Уву Узухьди гьау гафар, Узу дурарихьна тувунза ва дурар дурари кьабул гъапӀну. Узу Увхьан дуфнайивалин дурар якьинтӀан гъавриъ ахъну ва Уву Узу гьаувалихъ хъугъну.

Югьан 10:36

«Узу Аллагьдин Бай вуза», гъапну кӀури, фици учвхьан Узуз пуз шулчвухьан: «уву рихшанд апӀурава», кӀури. Шлиз кӀурачва гьаци? Узуз? Адашди гирами дапӀну, гьаму дюнʼяйиз гьаънайириз?!

Югьан 5:36

Амма Узуз, Йиз гьякьнаан Ягьʼяйи гъапивалтӀан хъанара мюгькам шагьидвал азуз, фицики, Адашди Узуз апӀин дупну, Узу апӀурайи ляхнари, Узу Адашди гьаур вуйиб тасдикь апӀура.

Югьан 17:21

Гъит дурар вари саб хилди ишри, Уву Узуъ фици шулаш, хъа Узу Увуъ фици шулаш, гъит гьадрар Ухьуъ ишри. Ва гъит дюнʼяйиз Узу Уву гьаънайивал аьгъю ибшри.

Югьан 5:38

Ва учву ичв кӀваъ Дугъан Гаф уьбхюрадарчва, фицики Дугъу гьау Узухъ хъугърадарчва.

Матта 1:23

«Магьа, шурак БицӀир киршди, Бай апӀиди ва Дугъʼин Эммануил, яна „Ухьухъди Аллагь хъа“, кӀуру ччвур иливиди».

Матта 18:10

Лигайгьа, бицӀидар вара улʼан миидитанай, фицики дугъриданра дурарин малайикар Аьршарин Йиз Адашдин машнахь шулу. [

Лука 9:56

Хъасин дурар саб жара шагьриз гъягъюру.

Югьан 3:34

Фицики Аллагьди Гьаънайир Аллагьдин гафариинди улхура, гьаз гъапиш Аллагьди Дугъаз бегьем Гирами Рюгь тувна.

Югьан 6:38

Фицики Узу аьршариан, Узуз ккуниб апӀуз ваъ, хъа Узу Гьаурин ният тамам апӀуз дуфнайир вуза.

Югьан 8:11

– Сарикьанра, йиз аьхю кас, – пну, жаваб туву дугъу. – Узура уву тахсир апӀурадарза; гъарах ва сану гунагь ляхнар мапӀан, – гъапи Исайи.

Югьан 17:18

Уву Узу дюнʼяйиз фици гьаънуш, Узура дурар му дюнʼяйиз гьаунза.

Югьан 17:23

Узу дурариъ шулаза ва Уву Узуъ шулава. Гъит дурарра ижмиди сабхилди гъузри! Ва гъит дюнʼяйиз аьгъю ибшри Узу Уву гьаувал ва, Увуз Узу ккуниганси, Увуз дурарра ккунивал.

Югьан 17:25

Эй гьякьлу вуйи Йиз Адаш! Дюнʼяйи Уву аьгъю гъапӀундар, Узуз Уву аьгъязуз, хъасин Узу Уву гьауб дурариз аьгъю гъабхьну.

Матта 18:11

]