Югьан 3:15 - Гирами Китаб

¹⁵ Дугъахъ хъугъу гьарсариз зат ккудудубкӀру уьмур хьпан бадали.

Югьан 3:15 Referans Kwoze

Югьан 3:16

Аллагьдиз дюнʼя гьаци ккун гъабхьнуки, Дугъу Чан айи-адру сар багъри Бай, Дугъахъ хъугъну, гьарсар кас дукӀну даришри, хъа зат ккудудубкӀру уьмур ибшри пну, гьаъну гъурбан гъапӀну.

Югьан 6:40

Даршуз магьа Йиз Адашдиз ккундайиб: Чан Бай рякъруриз ва Дугъахъ хъугъру гьарсар касдиз гьаргандин уьмур хьуб. Узу думу гъиямат йигъан гьаргандин уьмрихьна хътаидиза.

Югьан 3:36

Аллагьдин Балихъ хъугънайириз зат ккудудубкӀру уьмур хьибди, хъа Дугъахъ хътругъуриз дициб уьмур рябкъидар ва дицириин гьаммишандиз Аллагьдин хъял хьибди.

Югьан 20:31

Аммаки гьаму вари дибикӀнайиб, учву Иса Месигь вуйибдихъ, Думу Аллагьдин Бай вуйибдихъ хъугъри пну ва Дугъахъ хъугъбиинди учвуз зат ккудудубкӀру уьмур хьпан бадали дибикӀнайиб ву.

Югьандин-1 5:1

Иса – Аллагьдин Месигь вуйивалихъ хъугънайидарикан Аллагьдин веледар ктучӀвура. Адаш ккунириз, Гьадгъулантина гъахьирра ккунду.

Жугьдариз 7:25

Гьаддиз Дугъʼан, Чан кюмекниинди Аллагьдихьна гъюрудар гьуркӀну уьрхюз удукьуру. Думу Гьаммишанур ву ва Дугъу гьарган дурарихъанди гафра йивура.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Югьан 6:47

Гьякьлу вуйи гьякь кӀуразачвуз: фуж хъугъраш, гьадгъу гьаргандин уьмур гъазанмиш дапӀна.

Югьан 1:12

Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну.

Югьан 5:24

Гьякьлу вуйи гьякь кӀуразачвуз: шлиз Йиз Гаф ебхьураш ва фуж Узу Гьаурихъ хъугъраш, гьацири зат ккудудубкӀру уьмур гъазанмиш дапӀна, дицир суддин улихь дийигъидар. Дицир гьамустӀанра, дукӀну хьувалихьан, гьаргандин уьмриъ учӀвна.

Лука 19:10

Инсаниятдин Бай пуч шулайидар агуз ва ккадагъуз дуфнайир ву.

Галат 2:16

дарди, агъяхьуз, гьич сар адмийихьанра, Къанундиъ улупнайи аьдатар хъаъну кӀури, гьякь хьуз шлуб дар, хъа анжагъ Иса Месигьдихъ хъугъигантӀан. Гьаддиз, ухьура Месигь Исайихъ хъугънахьа, Месигьдихъ хъугънайивалиинди ухьу гьякь апӀруси, хъа Къанундин аьдатариинди гьякь хьуз шулдар, фицики, Къанундин аьдатариинди «яшамиш шулайидарикан гьич фужкӀара гьякь хьидар».

Югьандин-1 2:25

Ухьуз Бали туву гаф – магьа гьаму ву: гьаргандин Уьмур!

Жугьдариз 10:39

Амма ухьу, кьяляхъ йиврударикан ва йикӀрударикан дархьа, ваъ, хъугъурхьа, ва уьрхювалра хьибдихьуз!

Ляхнар 8:36

Рякъ давам апӀури, дурар штухъна гъюру ва хасижвуву Филипдихьан гьерхру: – Магьа шидра: узуз штуан хьуз фти машат апӀидихъа? [

Марк 16:16

Шли, хъугъну, штуан апӀувал кьабул гъапӀиш, думу женнетдиъ ахъди, хъа фуж хътругъиш, думу жегьеннемдиъ итди.

Галат 2:20

сарун яшамиш шулайир узу дарза, хъа узуъ яшамиш шулайир Месигь ву. Ва, узу жилиин илмикьан гагьди, Аллагьдин Балихъ хъугъну яшамиш шулайир вуза. Гьаци узу яшамиш хьузди Дугъу, узу ккун дапӀну, Чан жан узхъанди тувну.

Коринф-2 4:3

Эгер учу туврайи Хабар шлихьна рубкьурадарш, думу аьжалихьна гъягъюрайихьна рубкьурадар.

Коринф-1 1:18

Пуч хьуз ккайидари, Месигьдин, ккадауз кӀури, хачрак гъабхьи аьжаликан гаф ахмакьвал ву кӀура, хъа ухьуз, Аллагьди уьрхрудариз, думу Аллагьдин кьувват ву.

Рим агьларихьна вуйи кагъаз 5:21

ва гунагь апӀували фици чахьди аьжал хури, агъавал апӀуз хъюбгънуш, гьаци Аллагьдин ужʼвалира ихь Агъа Иса Месигьдиланмина, ухьуз гьаргандин уьмур тувбан бадали, гьякьлуди агъавал апӀуз хъюбгъди.

Ляхнар 13:41

«Хъебехъайчва, шаклу шулайидар, мюгьтал йихьай ва дург йихьай, фицики Узу ичв йигъари учву хътругърусиб ляхин апӀидиза. Учву дидихъ, шликӀа гъаври аишра, хъугъидарчва».

Матта 18:10

Лигайгьа, бицӀидар вара улʼан миидитанай, фицики дугъриданра дурарин малайикар Аьршарин Йиз Адашдин машнахь шулу. [

Югьан 16:33

Узу му гафар, Узуъ учву мясляаьт абгри пну, гъапидар вуйиз. Му дюнʼяйиъ учвуз дердер алахьидичвуз, аммаки миж макадабтӀанай: Узу му дюнʼяйиин гъалиб гъахьунза.

Матта 25:46

Гьамци, нягьякьдар жегьеннемдин ккудудубкӀру аьзабнаъ ахьди, хъа гьякьлудар ккудудубкӀру уьмур хъапӀри хьиди.

Югьан 6:27

Ухди пуч шлу му дюнʼяйин хураг бадали ваъ, хъа гьаргандин уьмур тувру ва зат пуч даршлу хураг бадали чалишмиш йихьай. Гьациб уьмур учвуз Инсаниятдин Бали тувра, фицики ихь Адаш Аллагьди Инсаниятдин Бай Чан кьудратниинди, печать йивну, лишанламиш дапӀна.