Югьан 3:13 - Гирами Китаб

¹³ Гьич саркьана аьршариз за гъахьундар, гьадушвʼан жилиина ГъафиртӀан – Инсаниятдин БайтӀан гъайри.

Югьан 3:13 Referans Kwoze

Насигьятар 30:4

Фуж завʼина гъушну ва гъафну? Шилхьан дебккуз гъабхьну гъурдаъ микӀ? Шли гъюнарихъ хъипрубдигъян гъибиржну шид? Шли дерккну гъирагъар жилин? Дугъан ччвур фуж ву? Фуж ву ччвур дугъан балин? Увуз аьгъяйвуз?

Югьан 6:38

Фицики Узу аьршариан, Узуз ккуниб апӀуз ваъ, хъа Узу Гьаурин ният тамам апӀуз дуфнайир вуза.

Ляхнар 2:34

Давуд аьршариз за гъапӀундаршра, дугъу гьамци дупна: «Агъайи йиз Агъайиз гъапну:

Югьан 1:18

Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.

Коринф-1 15:47

Сарпи адми жилин рюкъдикан гъахьну, хъа кьюрпи Адми – аьршариан гъафи Адми.

Югьан 13:3

Хябяхъдин уьл ипӀру вахтна Исайи, Адашди вари Чан хилиъ ивнайиб аьгъяди ва Учв Аллагьдихьан дуфнайиб, Аллагьдихьна хътакурайиб аьгъяди,

Рим агьларихьна вуйи кагъаз 10:6

Гирами китабариъ хъугъувализ дилигну туврайи гьякьлували гьамци кӀура: «Учву учвхьан мегьерханай: „Фуж аьршариз гъягъиди?“ душвʼан Месигь хъади гъюз?

Югьан 6:62

Хъа учву, Инсаниятдин Бай Учв наънан гъафнуш, гьадина за шули рякъруган гьапӀдичва?

Югьан 3:31

Аьршариан Гъафир гьаму дюнʼяйиин алидартӀан зина ву, хъа му дюнʼяйиин алидар гьаму дюнʼяйиндартӀан дар, ва дурар му дюнʼяйин ляхнарикантӀан улхурира шулдар. Аьршариан Гъафир варитӀан заан ву.

Югьан 6:46

Анжагъ Аллагьдихьан ГъафиризтӀан гъайри, гьеле гьич саризра Адаш гъяркъюндар.

Югьан 6:42

– Му Юсуфдин бай Иса даринхъа? – кӀуйи дурари. – Ухьуз Мугъан адашна дада аьгъдарди айинхъа? Гьаз Мугъу мици: аьршариан гъафир Вуза, кӀурахъа?

Югьан 17:5

Ва гьамус, дюнʼя ккебгъайиз улихьна, Узу Увухъди хъайиган, Узуз фици ад айиш, гьациб адниинди Узу адлу апӀин, эй Адаш.

Югьан 8:42

Исайи дурариз жаваб туву: – Эгер ичв адаш Аллагь вуйиш, учвуз Узу ккунди хьидийчвуз, фицики Узу Аллагьдихьан гъафир вуза ва Гьадгъахьна гъягъюраза. Узу Узхьан дуфнадарзаки – Гьадгъу Узу гьаъну.

Югьан 6:51

Узу вуза аьршариан гъафи чӀиви уьл. Шли думу Уьл гъипӀиш, гьадму зат ккудудубкӀрубкьан яшамиш хьиди. Узу туврайи уьл – му йиз беден вуйиз. Узу думу, дюнʼяйин уьмур бадали, тувраза.

Югьан 6:33

Фицики Аллагьдин уьл – аьршариан дуфну, му дюнʼяйиз уьмур бахиш апӀурайи Гьадму Кас ву.

Ляхнар 20:28

Ичв ва вари хъугънайидарин гъанаъ йихьай. Исайи Чан ифдиинди гъазанмиш дапӀну, Аллагьдихъ хъугънайидарин ва учвʼина Гирами Рюгьну аманат гъапӀдарин гъайгъу зигай.

Матта 28:20

Дурариз Узу учвуз табшурмиш гъапӀкьандар вари кӀули гъахуз улупай. Хъа Узу, гъиямат йигъ хьайизкьан, гьаммишан учвухъди хьидиза.

Эфес 1:23

Дурар сатӀиди Гьадгъан беден, варишвариъ ва варибдиъ вуйи Гьадгъан тамамвал ву.

Матта 8:20

Исайи дугъаз кӀуру: – Сулариз мугъарйир, завун ничхрариз мукьар а, хъа Инсаниятдин Бализ кӀул дивну дахъру йишв адар.

Югьан 3:12

Эгер Узу учвуз му дюнʼяйинубдикан кӀурайиган учву хъугърадарш, хъа аьршаринубдикан гъапиш, фици хъугъдичвахъа?