Югьан 21:5 - Гирами Китаб

⁵ – Дустар, лисуз фукӀа-мукӀа гъибисунчва? – гьерхру дурарихьан Исайи. – Ваъ, – жаваб туву дурари.

Югьан 21:5 Referans Kwoze

Филипп 4:19

Ва йиз Аллагьдира Чан зурба вуйи девлетниинди, Месигь Исайилантина вари учвуз ккунди имбубдихьди артухъра кади ацӀдичва.

Югьандин-1 2:13

Узу учвуз, абйир-бабар, дюнʼя-бина хьайиз Айир аьгъю гъахьунчвуз, кӀури, бикӀураза. Узу учвуз, жигьилар, Писубдиин гъалиб гъахьунчва, кӀури, бикӀураза.

Жугьдариз 13:5

Пул ккун апӀувалихьан шлубкьан азадди гъузай. Учвуз айибдиин разиди гъузай, фицики Аллагьди гъапну: „Узу уву сарди гъитдарза ва гатӀахьдарза“.

Югьандин-1 2:18

Баяр-шубар, аьхиримжи вахтар улукьура! Учвуз гъеебхьиганси, Месигьдиз Къаршур гъиди, дупна. Лигуруш, дурар, ихь Месигьдиз къаршу касар, гизаф духьна. Магьа гьаддиз ухьуз, аьхиримжи сяаьт улубкьнайиб рябкъюрахьуз.

Матта 14:15

Хябяхъ гъабшиган, Исайихьна дуфну, ученикари Дугъаз кӀуру: – Му йишв касра адру йишв ву, вахтра сарун кьан дубхьна, халкьар деет, гъит дурари, багарихь хьайи гъулариз душну, чпиз ипӀруб гъадабгъри.

Паччагьлугъар-3 19:6

Илʼяс пайгъамбар кьяляхъ илдицну гъилигнийи – ва магьа дугъан кӀулихъ аржлариин дубжнайи лаваш ва шид айи гажин хъайи. Дугъу уьл гъипӀнийи, шид гъубхънийи ва хъана дахънийи.

Марк 8:7

Дурарихь сакьюдар балугъарра хьайи. Исайи дурариин чухсагъулин ккарагуб дапӀну, гьадрарра пай апӀуз тувру.