Югьан 21:2 - Гирами Китаб

² Симон Петр, КӀвятӀях кӀуру лакӀам али Фома, Галилей уьлкейиъ айи Кана шагьриан вуйи Нафанаил, Зеведейин кьюрид баяр ва Исайин кьюр жара ученикар – вари сатӀиди уч шулу.

Югьан 21:2 Referans Kwoze

Югьан 4:46

Иса хъана Чав шид чяхриз илтӀибкӀу Кана кӀуру Галилей уьлкейин шагьриз гъягъюру. Гьадму вахтна Кафернагьум шагьриъ паччагьдин гьякимдрарикан сар яшамиш шулайи ва дугъан бай яманди иццурайи.

Югьан 1:45

Филипди Нафанаил агуру ва кӀуру: – Учуз, Мусайи чан Къанундиъ шликан дибикӀнаш ва пайгъамбрарира шликан дибикӀнаш, Гьадму гъидихъунчуз. Думу Назарет шагьриан Юсуфдин бай Иса ву.

Югьан 20:28

– Йиз Агъа ва йиз Аллагь! – гьарайниинди гъапи Фомайи.

Югьан 11:16

«КӀвятӀях» кӀуру лакӀам хъайи Фомайи чан юлдшариз кӀуру: – Гъачай, Мялимдихъди сатӀиди ухьура йихурухьа!

Югьан 2:11

Му Исайи Галилей уьлкейиъ айи Канайиъ улупу аьламатарикан сабпи аьламат вуйи. Гьамдиинди Дугъу Чан зурбавал улупнийи ва Дугъан ученикар Дугъахъ хъугънийи.

Лука 5:10

Хъа Симондин дустар вуйи Зеведейин баяр Якьубдикна Югьандик Симондиксиб пис гучӀ кабхъру. Симондиз Исайи: «ГучӀ мапӀан, гьамусдихъантина инсанарин юкӀвар дисидива», кӀуру.

Матта 10:3

Филип ва Варфоломей, Фома ва налукар уч апӀру Матта, Алфейин бай Якьуб ва Фадей,

Марк 1:19

СацӀиб тина гъушган, Дугъаз Зеведейин бай Якьубна дугъан чве Югьан рякъюру. Дурари люткейиъ чулар рас апӀурайи.

Югьан 2:1

Кьюд йигълан Галилей уьлкейин Кана шагьриъ сумчир шулу. Душваъ Исайин дадара айи.