Югьан 21:15 - Гирами Китаб

¹⁵ Дурари гьирин уьл ипӀбалан кьяляхъ, Исайи Симон Петриз кӀуру: – Я Югьаннайин бай Симон, увуз Узу гьамраризтӀан гизаф ккундунуз? – Ав, Агъа, узуз Уву ккуниб Увузра аьгъявуз, – жаваб туву Петри. – Йиз ччилар уьрх, – кӀуру Исайи.

Югьан 21:15 Referans Kwoze

Рим агьларихьна вуйи кагъаз 15:1

Ухьу, ижми рюгь айидари, зяиф рюгь айидарин гъалатӀар сабурлуди аьгь дапӀну ккунду, хъа жвуваз ккуниб дапӀну ккундар.

Югьандин-1 4:19

Аллагьди ухьу сифте ккун дапӀнайиган, ухьура Думу ккун апӀурахьа.

Петрин-1 1:8

Думу (Иса) ккундучвуз, гьеле учвуз гъяркъюндаршра, учву Дугъахъ хъугърачва, гьеле гьаму ражари Думу ичв уларикк ккадаршра. Учву улупуз даршлу аьжайиб шадвали ацӀну урхьурачва,

Эфес 6:24

Зат аьхир адарди ихь Агъа Иса Месигь ккуни варидариз ужʼвал ибшри.

Ляхнар 20:28

Ичв ва вари хъугънайидарин гъанаъ йихьай. Исайи Чан ифдиинди гъазанмиш дапӀну, Аллагьдихъ хъугънайидарин ва учвʼина Гирами Рюгьну аманат гъапӀдарин гъайгъу зигай.

Югьандин-1 5:1

Иса – Аллагьдин Месигь вуйивалихъ хъугънайидарикан Аллагьдин веледар ктучӀвура. Адаш ккунириз, Гьадгъулантина гъахьирра ккунду.

Югьан 16:27

Ичв Узухьна вуйи ккунивализ дилигну ва Узу Аллагьдихьан дуфна кӀури ичв хъугънайивализ дилигну, Адашдиз Чаз учву ккунду.

Петрин-1 2:25

Учву саб фила-вуш, марччарси, улдугнайчва, хъа гьамус учву ичв Марччлихънихьна – гъайгъу Зигрурихьна кьяляхъ хътакунчва.

Жугьдариз 4:13

Халкь дапӀнайи вари дюнʼяйиъ Аллагьдин улихь гьитӀибкӀнайиб гьич фукӀара адар. Дугъан улихь вари ачухъди ву. Дугъан улариз вари рябкъюру. Ари Гьадгъан улихь ухьу жавабра тувдихьа.

Лука 22:32

Хъа Узу, яв хъугъвал дурубгри пну, ккарагунза. Узухьна хътакиган, уву яв чвйирин хъугъувал мюгькам апӀин.

Жугьдариз 13:20

Гъит, мясляаьтнан Аллагьди, марччарин зурба Марччлихъан вуйи, Чан ифдиинди гьаммишандиз вуйи Гирами Йикьрариин печать гъиву ихь Агъа Иса чӀиви ГъапӀури,

Рим агьларихьна вуйи кагъаз 14:1

ЦӀибди хъугъувал айир ичв арайиз кьабул апӀинай. Дугъанна ичв фикрар сабсдар дар кӀури, дугъахъди гьюжатар мапӀанай.

Матта 16:17

Гьадмуган Исайи дугъаз жаваб вуди гъапи: – Уву бахтавар вува, Юнусдин бай Симон, гьаз гъапиш увуз му, инсанари ваъ, хъа Аьршарин Йиз Адашди ачмиш гъапӀунвуз.

Ачмиш 2:23

Дугъан бицӀидарра аьжалихь гьирчдиза. Гьадмуган вари жямяаьтариз аьгъю хьибди: ичв юкӀвариъ ва фагьмариъ жиниди уьбхюрайиб вари аьгъюр Узу вуйиб, ва гьарсариз Узу, чан ляхнариз дилигну, тувдиза.

Петрин-1 2:2

Тазади бабкан духьну имбу бицӀидарси, рюгьнан тӀяаьмлу никкдихъ, гьаддин кюмекниинди аьхю хьуз ва уьрхювал гъазанмиш апӀуз, тямягь хъивай.

Галат 5:6

Эгер Месигь Исайихъди ухьу саб вуш, адмийин суннат дапӀну а – адар, дурар сар сарихьан жара дар. Мушваъ айи метлеб – масанвалиланмина арайиз удубчӀвурайи хъугъвал ву.

Югьан 21:12

– Деай гьириндин уьл ипӀуз, – кӀуру дурариз Исайи. Ученикарикан сарира Дугъхьан, Думу фуж вуш, гьерхундайи. Думу Агъа вуйиб дурар дишла гъавриъ ахънийи.

Югьан 21:7

– Му Агъа ву! – кӀуру Петриз Исайин юкӀв али сар ученикди. Му Агъа ву пну гъеебхьубси, Петр чан гъяцӀли жандиин али плащдин канчӀар зина ккаъну, йитӀну, штузди урсру.

Матта 18:10

Лигайгьа, бицӀидар вара улʼан миидитанай, фицики дугъриданра дурарин малайикар Аьршарин Йиз Адашдин машнахь шулу. [

Эфес 4:14

Хъа думуган ухьу сарун лепйири ккалакьурайи ва гьар жюре каламарин микӀарихь гьитнайи, инсанар улдугуз гъитри, аьмалдар кучӀляхярикк ккахъру бицӀидарси хьидархьа.

Коринф-1 8:11

Магьа гьаддиз, яв аьгъювалари зяиф гъардаш – дугъхъандира Месигьди жан тувну аьхир – пуч апӀиди.

Югьан 8:42

Исайи дурариз жаваб туву: – Эгер ичв адаш Аллагь вуйиш, учвуз Узу ккунди хьидийчвуз, фицики Узу Аллагьдихьан гъафир вуза ва Гьадгъахьна гъягъюраза. Узу Узхьан дуфнадарзаки – Гьадгъу Узу гьаъну.

Марк 14:29

– Варидари хъугъвал алдабгъишра, узу алдабгъидарза! – кӀуру Петри.

Лука 12:32

ГучӀ мапӀанай, бицӀи лиж! Фицики ичв Адашди учвуз Чан Паччагьлугъ тувуз ужуб кьаст дапӀна.

Эвел 33:13

Аммаки Якьубди: – Увуз аьгъявуз, йиз агъа, бицӀидар фици зяифдар шулуш. Хъа марччарна малар ккитрайидар вуйиз. Дурариин маргъ иливиш, вари сад йигъандин арайиъ йихиди.

Матта 10:37

УзутӀан чан адаш вая дада артухъ ккун гъапӀур Узуз лайикьлу вуйир дар; ва УзутӀан чан бай вая риш артухъ ккун гъапӀур Узуз лайикьлу дар.

Паччагьлугъар-4 20:3

– КӀваин апӀин, я РАББИ, узу Яв улихь вафалуди фици гъягъюйиш ва Яв улариъ гьякь вуйиб вари марцци кӀваантӀан апӀуйиш! Ва Хизкьи яманди гъишнийи.

Паччагьлугъар-2 7:20

Давуддихьан Увуз сарун фу пуз шулу? Увуз Яв лукӀ аьгъявуз аьхир, Агъа вуйи я РАББИ!

Югьан 13:37

– Я Агъа! – кӀуру Петри. – Узхьан Увухъди гьамус гъюз гьаз шулдар? Увхъанди йикӀузра узу гьязур вуза!

Югьан 1:42

Андрейи думу Исайихьна хъади гъюру. Иса дугъаз дикъатлуди лигуру ва кӀуру: – Уву Югьаннайин бай Симон вува. Увуз Кифа, яна Петр кӀуру хьиди. (Жугьуд чӀалниинди «Кифа» ва грек чӀалниинди «Петрос» «Гъван» кӀуру гаф ву.)

Матта 26:35

Петри Дугъаз кӀуру: – Узу Увухъди йикӀуб алабхъурушра, Уву «аьгъюр дарзуз» пидарза. Имбу ученикарира гьамцдар гафар гъапнийи.

Матта 26:33

Хъа Петри Исайиз жаваб вуди гъапи: – Варидари Уву гъитишра, узу гьич саб вахтнара дици дарапӀарза.

Ляхнар 20:29

Узуз аьгъязуз, узу учвхьан гъушиган, яман жанаврар дуфну, дурари сюрйириз инсаф апӀидар.