Югьан 21:12 - Гирами Китаб

¹² – Деай гьириндин уьл ипӀуз, – кӀуру дурариз Исайи. Ученикарикан сарира Дугъхьан, Думу фуж вуш, гьерхундайи. Думу Агъа вуйиб дурар дишла гъавриъ ахънийи.

Югьан 21:12 Referans Kwoze

Ляхнар 10:41

Анжагъ Думу варидариз ваъ, хъа Аллагьди улихьмиди ктагъу шагьидариз, яна Думу чӀиви гъашихъан, Дугъахъди ипӀури-убхъури гъаши учузтӀан, улупну, ачухъ гъапӀундар.

Югьан 16:19

Исайиз аьгъяйи, дурариз Чахьан фтикан гьерхуз ккунди айиш ва гьаддиз Чав кӀуру: – Учву чиб-чпихьан гьерхрачва, Узу Йиз хиялнаъ фу ади мици: «багарихьди» ва «учвуз Узу сарун рякъидарчвуз, хъа цӀиб вахтналан хъана рякъидичвуз» – кӀурайкӀан кӀури?

Югьан 21:15

Дурари гьирин уьл ипӀбалан кьяляхъ, Исайи Симон Петриз кӀуру: – Я Югьаннайин бай Симон, увуз Узу гьамраризтӀан гизаф ккундунуз? – Ав, Агъа, узуз Уву ккуниб Увузра аьгъявуз, – жаваб туву Петри. – Йиз ччилар уьрх, – кӀуру Исайи.

Марк 9:32

Дурар Исайи гъапибдин гъаври шуладайи, хъа Дугъхьан гьерхуз гучӀуйи.

Югьан 4:27

Гьадму арайиъ Исайин ученикар гъюру ва, Дугъу дишагьлийихъди гафар апӀури дябкъну, дурар мюгьтал шулу. Амма сарира Дугъхьан, фу ккунди аш, вая дугъахъди гафар гьаз апӀураш, гьерхундайи.

Лука 9:45

Амма дурар му гафарин гъаври ахъундар ва дурарин мяна ученикарихьан гьебкнади гъабхьну, гьаддиз дурари думу аннамиш гъапӀундайи. Хъа мидкан Исайихьан гьерхуз дурариз гучӀуйи.

Матта 22:46

Сарихьанра Дугъаз жаваб тувуз гъабхьундар. Ва гьадму йигъланмина, Исайиз суалар тувуз кӀури, Сарун сарира Исайихьан гьич сабдиканра гьерхуз кӀубанвал гъапӀундар.

Югьан 21:11

Симон Петри, люткейихьна душну, чӀатху балугъарихьди абцӀнайи чул хъчӀюбхюру. Дидиъ варжна хьуцӀурна шубуб балугъ айи. Ва гьамкьан гизаф балугъар ади гъахьнушра, чул гъячӀябгъюндайи.