Югьан 20:2 - Гирами Китаб

² Думу жаргъури дуфну, Симон Петризна ва Исайин ккунди гъаши жара ученикдиз кӀуру: – Агъа накьвдиан гъурхну, аьгъдарчуз наана гъурхнуш.

Югьан 20:2 Referans Kwoze

Югьан 13:23

Исайин юкӀв али ученикарикан сар Чан гъвалахъ гъюн йивну дахънайи.

Югьан 20:13

– Эй дишагьли, гьаз ишурава? – гьерху малайикари. – Йиз Агъа гъурхну, хъа наана вуш, аьгъдарзуз, – жаваб туву дугъу.

Югьан 21:24

Думу гьадмуну ученик вуйи, гьаму вариб ктибтур ва гьаму вари гъибикӀур. Ва ухьуз аьгъяхьуз, дугъан шагьидвал гьякьлуб вуйиб.

Югьан 21:7

– Му Агъа ву! – кӀуру Петриз Исайин юкӀв али сар ученикди. Му Агъа ву пну гъеебхьубси, Петр чан гъяцӀли жандиин али плащдин канчӀар зина ккаъну, йитӀну, штузди урсру.

Югьан 19:26

Чан дада ва душвахь хьайи Чан юкӀв али сар ученик дяркъну, Исайи дадайиз кӀуру: – Дишагьли, магьа яв бай. –

Югьан 21:20

Петр кьяляхъинди илдицуру ва дугъаз Исайин юкӀв али ученик рякъюру. Дугъу хябяхъдин уьл ипӀурайи вахтна Исайихьнаси гьачӀарккну: «Агъа, Уву шли масу тувди?» – кӀури гьерху гьадму ученик вуйи.

Югьан 20:15

– Эй дишагьли, гьаз ишурава? – кӀуру дугъаз Исайи. – Фуж агурава? Марʼямди, му багъбанчи вушул пну хиял дапӀну, Дугъаз кӀуру: – Йиз аьхюр, эгер уву Думу гьашвʼан адагъну гъурхнуш, йип узукна, наан дитнуш, узу Думу гъадагъурза.

Югьан 20:9

Аммаки дурар сабан Гирами китабариъ дибикӀнайибдин гъавриъ адайи. Хъа дурариъ, Иса чӀиви хьиди, кӀури дибикӀна.