Югьан 20:15 - Гирами Китаб

¹⁵ – Эй дишагьли, гьаз ишурава? – кӀуру дугъаз Исайи. – Фуж агурава? Марʼямди, му багъбанчи вушул пну хиял дапӀну, Дугъаз кӀуру: – Йиз аьхюр, эгер уву Думу гьашвʼан адагъну гъурхнуш, йип узукна, наан дитнуш, узу Думу гъадагъурза.

Югьан 20:15 Referans Kwoze

Югьан 20:13

– Эй дишагьли, гьаз ишурава? – гьерху малайикари. – Йиз Агъа гъурхну, хъа наана вуш, аьгъдарзуз, – жаваб туву дугъу.

Югьан 18:7

– Учву фуж агурачва? – хъанара гьерхру дурарихьан Исайи. – Назаретдиан вуйи Иса, – кӀуру дурари.

Югьан 1:38

Иса кьяляхъинди илтӀикӀуру ва, дурар дяркъну, гьерхру: – Фу ккундучвуз? – Я Рабби! (Му илтӀибкӀиган «Мялим» кӀуру гаф ву.) Уву наан яшамиш шулава? – пну гьерхру дурари Исайихьан.

Марк 16:6

– ГучӀ мапӀанай! – кӀуру дугъу дарариз. – Дариз гъизигу Назаретдиан вуйи Иса учву агурачва. Думу чӀиви гъахьну, мушваъ имдар. Магьа Думу дитну гъахьи йишвра.

Матта 28:5

Малайикди, чӀалниина дуфну, дишагьлийириз гъапи: – ГучӀ мапӀанай, учву дариз гъизигу Иса агури дуфнайиб аьгъязуз.

Паччагьлугъар-1 1:16

Узкан, яв лукӀракан, чӀуру фикир мапӀан. Пашманвали ва гиранвали уьлдюгъюри ацӀназу, гьаддиз узу гьаци гъапнийза.

Югьан 18:4

Исайи, Чаин улубкьруб аьгъяди, дурарин улихьна удучӀвну гьерхру: – Учву фуж агурачва?

Лука 24:5

Дурари гучӀбаан ис алахъдариз кӀуру: – Учву чӀивир гъачӀидарин арайиъ гьаз агурачва?

Матта 12:34

Эй битӀракан гъахьидар! Учвхьан, пис юкӀвар ади, ужуб гаф пуз фици хьибдичвухьан?! Фицики инсандин мелз, чан юкӀв фти абцӀнаш, гьаддикан улхури шулу.

Лука 2:44

Дурари, Иса жарадарихъди гъюрашул кӀури, фикир апӀуру. Хъа сад йигъандин рякъ ккадапӀиган, дурари багахьлуйирин ва таниш вуйидарин арайиъ Иса агуз хъюгъру.