Югьан 20:1 - Гирами Китаб

¹ Гьяфтайин садпи йигъан гвачӀнин ухди, мучӀуди имиди, Магдалайиан вуйи Марʼям накьвдихьна гъюру ва, дугъаз накьвдин айитӀинди учӀврушвахь гьипнайи гъван гьидипнади рябкъюру.

Югьан 20:1 Referans Kwoze

Марк 16:9

Гьяфтайин садпи йигъан гвачӀинган чӀиви гъахьи Иса сифте чаан ургуб жин утӀукку Магдалайиан вуйи Марʼямдиз ачмиш шулу.

Матта 27:60

Хъасин гъарзариъ утӀубкнайи чан хусуси таза накьвдиъ Дугъан беден ивнийи ва, душваз учӀврушвахь аьхю гъван гьипну, гъушнийи.

Марк 15:46

Дугъу кафан гъадабгъну, беден кадабгъну, дидгъян гъибиржуру ва гъарзариъ утӀубкнайи накьвдиъ ивну, душваз учӀврушвахь гъван гьипру.

Югьан 20:26

Саб гьяфтайилан Исайин ученикар хъанара уч шулу. Му ражари дурарихъди Фомара хъайи. Раккнар хъяркьнашра, хулаъ Иса учӀвру ва, дурарин кьялаъ дийигъну, кӀуру: – Мясляаьт учвуз!

Югьан 19:25

Иса керхнайи хачран багахь Дугъан дада, дадайин чи, Клеопдин шив Марʼям ва Магдалайиан вуйи Марʼям дийигънайи.

Ачмиш 1:10

Элгьет йигъан узуз, Рюгьнан гьюкмиъ ахънайириз, зурнайианси чӀигъ апӀури, йиз кьялхъян аьхю дих гъеебхьунзуз.

Матта 27:64

Гьаци вуйиган, шубуд йигъ улдубчӀвайиз, накьв ужуди уьбхюз амур апӀин, даршиш Дугъан ученикари беден жин дапӀну, хъасин халкьдиз: «Думу гъачӀихъан чӀиви гъахьну», – пиди, хъа му кучӀал сабпибтӀан писуб хьибди.

Коринф-1 16:2

Гъит учвкан гьарсари, гьяфтайин садпи йигъан, шлихьан фукьан удукьуруш, ичв гъюру хайирназ дилигну, узу гъафиган уч апӀури, давди вахт гьадрапӀбан бадали, кюмекназ пул гьязур апӀинай.

Ляхнар 20:7

Элгьет йигъан, ученикар уьл ипӀуз уч гъашиган, Павели дурарихъди сюгьбатар гъахуйи. Хъайигъан гимийиъди рякъюъ учӀвуз ният ади, думу дурарихъди гьацӀишваризкьан сюгьбат давам апӀури гъузру.

Матта 27:56

Дурарин арайиъ Магдалайиан вуйи Марʼям, Якьубдинна Юсуфдин дада вуйи Марʼям ва Зеведейин хпирра айи.

Матта 27:66

Дурарира, душну, гъаравлар дерккнийи. Дидихъ хъайи гъван мюгькам дапӀну, дидʼин пичат алабснийи.

Матта 28:1

Султ йигъ улдубчӀвну, гьяфтайин садпи, яна элгьет йигъан сигьрин ухди, Магдалайиан вуйи Марʼямна тмуну Марʼям Исайин накьвдиз лигуз гъюру.

Матта 28:2

Сабпну зарбди жилар тӀурччвуру, фицики аьршариан Аллагьдин малайик гъюру ва, накьдихь гьипнайи гъван гьидипну, дидʼин деъру.

Югьан 11:38

Иса хъана артухъ пашманвалиинди накьвдихьна гъюру. Накьв дюрхъсиб вуйи. Душвазди учӀврушвахь гъван гьипнайи.

Югьан 11:41

Гъван гьадабгъуру. Исайи улар зина заъру ва кӀуру: – Адаш, Увуз баркаллагь кӀураза, Увуз Узу ерхьбаз.