Югьан 2:2 - Гирами Китаб

² Сумчриз Исайиз ва Дугъан ученикаризра теклиф вуйи.

Югьан 2:2 Referans Kwoze

Колосс 3:17

Вари ичв улхбарра, ичв ляхнарра Гьадгъулантина, Адаш Аллагьдиз чухсагъул кӀури, Агъа Иса бадали апӀинай.

Коринф-1 7:39

Хпир чан вари уьмриъ жилирик китӀнайир ву, хъа жилир гъачӀиган, думу азад шула ва дугъхьан чаз ккунириз швуваз гъягъюз шулу, анжагъ – хъугъруриз.

Жугьдариз 13:4

Нюкягь гьюрматлуб ва марцциб дубхьну ккун. Аллагьди, чан жилир вая хпир гъитну, гъирагъдиъ ул айир ва кьяппавал апӀрур жазайиз тувди.

Коринф-1 10:31

Гьаддиз, учву ипӀурашра, убхъурашра, фу апӀури гъашишра, вари – Аллагьдин ад бадали апӀинай.

Матта 25:45

Гьадмуган Дугъу пиди: – Дюзди кӀуразачвузки, учву гьаму Йиз бицӀи гъардшарикан саризкьан гьаци гъапӀундарш, Узузра гъапӀундарчва.

Матта 25:40

Ва Паччагь вуйи Инсаниятдин Бали дурариз жаваб вуди пиди: – Дюзди кӀуразачвуз, учву гьаму Йиз бицӀи гъардшарикан саризкьан гьаци гъапӀнуш, гьадму учву Узуз гъапӀу мисал ву.

Матта 12:19

Думу я гьюжатназ удучӀврур дар, я чӀигъар апӀрур дар, ва кючйириъ саризра Дугъан сес ебхьидар.

Ачмиш 3:20

Магьа, Узу дийигъназа урчӀарихъ ва кучраза. Шлиз Йиз дих ебхьураш, гьадгъу Узуз урчӀар арццди, Узу гьадму касдихьна учӀвдиза ва учу, сатӀиди деъну, хябяхъдин уьл ипӀидича.

Югьан 2:3

Хялари вари чяхир гъубхъиган, Исайин дадайи Дугъаз кӀуру: – Мурарин чяхир имдар.

Югьан 2:12

Гьамдихъан Иса Кафернагьум шагьриз гъягъюру. Дугъахъди Чан дада, чвйир ва ученикарра хъайи. Дурарин душваъ сякьюдар йигъар шулу.

Югьан 2:17

Гьаму вари гъабхьиган, Исайин ученикарин Гирами китабарик дидикӀнайи гьамцдар гафар кӀваина гъюру: «Яв Хулахьна вуйи ккунивали Узу цӀаси ургиди».

Югьан 2:22

Иса, дукӀну, шубудпи йигъан чӀиви гъашиган, Дугъу гьамдикан дупнайи гафар Дугъан ученикарин кӀваина гъафнийи, ва дурар Гирами китабарихъ ва Исайихъ хъугънийи.

Югьан 3:22

Мидхъантина Иса, Чан ученикарра хъади, Ягьудия уьлкейин ругариина гъюру ва, душваъ гьадрарихъди яшамиш шули, дурар штуан апӀури гъахьну.

Югьан 4:8

Дугъан ученикар шагьриз ипӀруб гъадабгъуз душнайи.

Югьан 4:33

Гьадмуган ученикари чиб-чпихьан гьерхру: «Белки Дугъаз ипӀруб шликӀа гъабхнушул-гьа?»

Югьан 6:8

Исайин жара ученик Петрин чве Андрейи кӀуру:

Югьан 6:12

Адмийир ацӀбалан кьяляхъ, Исайи ученикариз кӀуру: – Зяя дархьбан бадали, хъригъу кьацӀар уч апӀинай.

Югьан 6:16

Хябяхъ шулади, Исайин ученикар гьюлихъна ктучӀвуру.

Югьан 6:60

Дугъан ученикарикан гизафдари, му гафар гъеерхьиган, кӀури гъахьну: – Мурар фу аьжайиб гафар ву? Мурар шлихьан аннамиш апӀуз шул!

Югьан 6:66

Гьаддихъан Исайин ученикарикан гизафдар Дугъхъан хътакнийи ва Дугъахъди шули гъахьундайи.

Югьан 6:67

Гьадмуган Исайи Чан йицӀикьюрид ученикарихьан гьерхру: – Белки учвузра Узхъан хътакуз ккунди ашулчвуз?

Югьан 6:70

– Узу дайкӀана учву йицӀикьюридра ктагъур? – гъапи дугъаз жаваб вуди Исайи. – Хъа учвкан сар иблис ву.

Югьан 6:71

Исайи му Искариотдиан вуйи Симондин бай Ягьудайикан кӀурайиб вуйи. Дугъу, учв йицӀикьюрикан сар вуйири, хъасин Иса масу тувнийи.

Югьан 7:3

Ва гьаддиз Исайин чвйири дугъаз кӀуру: – Уву мушвʼан, Уву апӀурайи ляхнар Яв ученикаризра рякъруси, Ягьудия уьлкейиз машквраз гъарах.

Ляхнар 11:26

ва, дагну, Антиохияйиз кьяляхъ хъади гъюру. Душваъ дурар сад йисан гъузнийи ва, хъугънайидар уч шлушваз Варнавна Саул гъюри, дурариз аьгъювалар улупури шуйи. Гьаддихъанмина гьадму Антиохияйиъ Исайин ученикариз сифте вуди «христианар», Яна «Месигьдин терефкрар» пуз хъюгъну.

Ляхнар 11:29

Думуган Исайин ученикари, гьарури чаан удукьрубкьан, Ягьудия уьлкейиъ айи чпин гъардшариз кюмек апӀуз кьатӀъ гъапӀнийи.