Югьан 19:6 - Гирами Китаб

⁶ Хъа кавхйирина гъаравлари, Иса гъяркъюбси, чӀигъар апӀуру: – Хачриина Думу! Хачриина! – Думу учву гъадагъну, дариз зигай! – кӀуру дурариз Пилатди. – Узуз Мугъак саб тахсирра бихъурадарзуз.

Югьан 19:6 Referans Kwoze

Югьан 18:31

– Думу учвухьна гъадагъай ва ичв закондиинди суд апӀинай, – гъапи Пилатди. – Учуз фужкӀара аьжализ тувуз ихтияр адарчуз, – гъапи дурари.

Югьан 19:4

Хъана Пилат удучӀвуру. – Мугъак узуз гьич саб тахсирра бихъурадарзуз, учвуз аьгъю хьпан бадали, магьа узу Думу ичв улихьна адаураза, – гъапи Пилатди.

Ляхнар 7:52

Ичв абйири пайгъамбрарикан фуж утӀурккундар? Дурари Гьякьлур гъюваликан улихьмиди хабар гъапӀу пайгъамбрарра гъийихну, гьамус гьадму Гьякьлур учву масу тувну гъакӀунчва!

Ляхнар 2:23

Аллагьди улупнайиганси Тувнайир учву, кьумариинди хачрак карсну, къанунсузарин хилариинди гъакӀунчва.

Югьан 19:15

– ЖвартӀ апӀин Думу! ЖвартӀ! Хачриина! – гьарйир гъапӀу дурари. – Гьаци вуйин? Ичв паччагь узу дариз зигну ккундунчвуз? – кӀуру Пилатди. Цезарилан гъайри, учуз жара паччагь адарчуз! – жаваб туву дурари.

Лука 23:4

Пилатди жугьдарин аьхюну маллйириз ва халкьдиз гъапи: – Узуз Гьаму Касдик саб тахсирра бихъурадарзуз.

Матта 27:24

ФтикӀа кюмек дарапӀрайиб ва халкьдик гъалабулугъ кабхърайиб дябкъну, Пилатди, шид хуз гъитну, чан хилар дижикӀну, кӀуру: – Узу Му марцци Касдин ифи удубзбан тахсиркар дарза, учвуз ккуниси апӀинай.

Матта 27:22

Пилатди дурарихьан гьерхру: – Хъа Месигь ву кӀурайи Исайикан гьапӀза? Варидари: «Думу дариз зиг», – кӀуру.

Матта 26:58

Петр ярхлаанси Исайихъди Каяфайин гьяятдихьнакьан гъафнийи ва, айитӀинди учӀвну, аьхир фициб шулуш лигуз кӀури, Аллагьдин хулан эскрарихъди деънийи.

Югьан 18:3

Ва магьа, римлуйирин эскрарин десте ва гьацира жугьдарин маллйирин аьхюдарина фарисйири гьау Аллагьдин хулан гъаравларра хъади, Ягьуда мина гъюру. Дурар вари яракъламиш духьнайи: дурарихь цӀа кайи гакӀвларна фанисар хьайи.

Югьан 18:38

– Хъа гьякьвал фу ву? – гьерху Пилатди. Ва гьамци дупну, думу хъана жугьдарихьна удучӀву. – Узуз му Касдик гьич саб тахсирра бихъурадарзуз, – гъапи дугъу.