Югьан 19:25 - Гирами Китаб

²⁵ Иса керхнайи хачран багахь Дугъан дада, дадайин чи, Клеопдин шив Марʼям ва Магдалайиан вуйи Марʼям дийигънайи.

Югьан 19:25 Referans Kwoze

Лука 23:49

Иса аьгъюкьандар вари ва Дугъахъди гъахьи Галилей уьлкейианмина гъафи дишагьлийир, ярхлаанси дийигъну, мидиз лигурайи.

Югьан 20:1

Гьяфтайин садпи йигъан гвачӀнин ухди, мучӀуди имиди, Магдалайиан вуйи Марʼям накьвдихьна гъюру ва, дугъаз накьвдин айитӀинди учӀврушвахь гьипнайи гъван гьидипнади рябкъюру.

Лука 24:18

Дурарикан Клеоп кӀуру сари Дугъаз жаваб туву: – Му йигъари Ерусалимдиъ гъабшиб душваз гъафидарикан сар Уву вува аьгъдрур, дарин!

Лука 8:2

Дурарихъди жинарихьан гъюрхю ва уьзрар сагъ гъапӀу бязи дишагьлийир: чаан ургуб жин удучӀву Магдалайиан вуйи Марʼям,

Лука 2:35

Яв кӀваантина яракь итӀибгъиди ва гьаддиинди аьхючӀвеъ юкӀвариъ айи ниятар ачухъ хьиди.

Марк 16:9

Гьяфтайин садпи йигъан гвачӀинган чӀиви гъахьи Иса сифте чаан ургуб жин утӀукку Магдалайиан вуйи Марʼямдиз ачмиш шулу.

Матта 12:46

Исайи халкьдиз гьаму гафар кӀури имиди, магьа Исайин дадана чвйир дуфну, Дугъахъди гаф-чӀал апӀуз ккунди, чӀат дугъужвнади шулу.