Югьан 19:13 - Гирами Китаб

¹³ Гьамцдар гафар гъеерхьу Пилат, Исара адаъну, суд апӀрушвʼин деъру. Думу йишваз «Гъвандин тахт» кӀуру, жугьуд чӀалниинди: «Гаввафа».

Югьан 19:13 Referans Kwoze

Матта 27:19

Пилат суд апӀру йишвʼин деънайи вахтна, дугъан хпири дугъаз гьамци пуз гъуллугъчи гьаънийи: – Гьадму марцци Касдин суд апӀбахьан ярхла йихь, гьаз гъапиш узуз сан Дугъкан гучӀ ккапӀру нивкӀ гъябкъюнзуз.

Ляхнар 4:19

Хъа Петрина Югьанди дурариз жаваб тувру: – Учву саб фикир апӀинай: Аллагьдин улихь АллагьдихътӀан учвухъ артухъ хъпехъуб дугъри вуйинхъа?

Югьан 19:8

Му гафар гъеерхьиган, Пилатдиз хъана артухъди гучӀ шулу.

Лука 12:5

Хъа шлихьан гучӀ дапӀну ккундуш, кӀурзачвуз: гъачӀиган, жегьеннемдиъ Итрурихьан гучӀ апӀинай. Ав, кӀуразачвузки, Гьадгъухьан гучӀ апӀури йихьай.

Насигьятар 29:25

Инсанарин улихь гучӀ кайивал – ккипнайи чул ву, амма РАББИЙИИН хъугъвал алириз сабдихьанра гучӀ адар.

Югьан 5:2

Ерусалимдиъ Марччарин латар кӀурушвахь, жугьуд чӀалниинди «Вифезда» (Рягьимлувалин хал) кӀуру саб кахъру гьямам хьайи. Дидихьна элеркнайи гъвандин мурхьлар ккудукьнайи хьуб дегьлиз гъюрайи.

Югьан 19:17

Дугъу «УнтӀаъ» (жугьуд чӀалниинди «Голгофа») кӀуру йишвахьнакьан Чаинди Чав карсру хачра дубхну ккундийи.

Югьан 19:20

Му бикӀуб гизаф жугьдари гъурхнийи, Иса дариз дизигнайишв шагьрихьан ярхлаъ адайи: ва душвак жугьуд, латин ва грек чӀалариинди дибикӀнура айи. Жугьдарин кавхйири Пилатдиз гъапи: