Югьан 18:8 - Гирами Китаб

⁸ – Узу учвуз гъапунзачвузки: Гьадму Узу вуза, – гъапи Исайи. – Эгер учвуз Узу лазим вуш, гьаму адмийир деетай.

Югьан 18:8 Referans Kwoze

Петрин-1 5:7

Ичв вари гъайгъушнар Гьадгъуин иличай – Думу ичв гъайгъушнаъ а!

Эфес 5:25

Хъа учву, жилар, Месигьди Чахъ хъугърудар фици ккун гъапӀнуш, ичв хпарра гьаци ккун апӀинай. Дугъу, гафналантина штуъ марцц дапӀну, гирами апӀбан бадали, я миж, я камивал, ясана жара фукӀа гьациб ктарди, швушвси, чпин вари аднаъди Чан улихь дерккну Чаз бахш апӀбан бадали, тахсир ктру хъугърударин гирами Жямяаьт хьпан бадали, хъугърударихъанди Чан жан тувну.

Коринф-2 12:9

Хъа Дугъу гъапунзуз: «Йиз ужʼвал увуз чӀяаьн ибшри, фицики Йиз кьувват зяифвалилан ужуйи гъюру». Гьаддиз, узуъ Месигьдин кьувват хьуз, шадди йиз зяифвалин тяриф апӀури шулза.

Коринф-1 10:13

Гьамусдиз учвʼин алахьу читинвалар адмийириин улукьру аьдати читинвалартӀан дар. Аллагь Чав туву гаф тамам апӀрур ву. Дугъу учвʼин аьгь апӀуз даршлу читинвалар алахьуз гъитдар. Читинвалар алахьруган, Дугъу учвуз дурариан удучӀвуз шлу рякъра улупидичвуз. Гьаци дурариан учвхьан кӀул адабгъуз хьибдичвухьан.

Югьан 16:32

Хъебехъай, Узу сарди гъитну, учву вари хулариз гьергру сяаьт улубкьура. Амма Узу сар дарза, гьаз гъапиш Узухъ Йиз Адаш хъазухъ.

Югьан 13:36

– Агъа, Уву наана гъягъюрава? – гьерху Дугъхьан Симон Петрийи. – Узу гъягъюрайишваз сабан увхьан Узухъди гъюз хьибдарвухьан, – жаваб туву Исайи. – Хъа хъасин гъидива.

Югьан 13:1

Жугьдарин Пасхайин машквар багахь шулайи. Исайиз, Чав му дюнʼя дипну, Адашдихьна хътакру вахт улубкьнайиб аьгъяйи. Му дюнʼяйиъ Чандар вуйидар Дугъаз ккундийи, ва гьамус Дугъу дурарихьна вуйи Чан масанвалин кьувват улупуз гьял гъапӀнийи.

Югьан 10:28

Узу тувдиза дурариз гьаргандин уьмур, дурар аьсрариъра йихдар, дурар Узхьан сарира гьитӀикӀдар.

Матта 26:56

Вари гьаму ляхнар пайгъамбрарин Китабариъ дибикӀнайиб кӀули удубчӀвуз шулайидар ву. Гьадмуган вари Дугъан ученикар, Иса гъитну, гьергнийи.

Югьан 18:7

– Учву фуж агурачва? – хъанара гьерхру дурарихьан Исайи. – Назаретдиан вуйи Иса, – кӀуру дурари.

Югьан 18:9

Исайи гьаци гъапнийи, гьаз гъапиш Чав дупнайи гьаму гафар: «Уву Узуз тувдарикан, Узу фужкӀара пуч гъапӀундарза», кӀурудар тамам духьну ккундийи.