Югьан 18:11 - Гирами Китаб

¹¹ – Ханжал чан халариъ ив! – гъапи Исайи Петриз. – Му аьзабарин зах Узуз Адашди тувунзуз. Мегер Узхьан думу дурубхъди гъибтуз шулин?

Югьан 18:11 Referans Kwoze

Матта 26:39

ЦӀиб тинаси душну, машнахъди жилʼина ис духьну, Думу гьамци кӀури, ккарагуз хъюгъру: – Я Аьршарин Адаш, эгер шулуш, му аьзаб Узʼина дяргъруси апӀина, вушра, Узуз ккуниси ваъ, хъа Увуз ккуниси ибшри.

Матта 20:22

Исайира жаваб вуди гъапи: – Учву фу тӀалаб апӀураш, учвуз аьгъдарчвуз. Узʼина гъюз ккайи аьзабар учвхьан аьх апӀуз хьибдин? Дурари: «Ав, шулчухьан», – гъапнийи.

Югьан 20:17

– Узук мукучан! – кӀуру дугъаз Исайи. – Узу сабан Йиз Адашдихьна хъадакнадарза. Уву, душну, Йиз чвйириз: «Узу Йиз Адашдихьна ва ичв Адашдихьна, Йиз ва ичв Аллагьдихьна хътакураза», кӀура, йип.

Югьан 15:10

Эгер Узу учвуз табшурмиш гъапӀуб учву тамам апӀури гъашиш, Йиз масанвалиъ яшамиш хьидичва. Гьаци Узура гъапӀунза: Узуз Йиз Адашди табшурмиш гъапӀуб Узу тамам гъапӀунза ва Адашдин масанвалиъди яшамиш шулаза.

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Коринф-2 10:4

Учу аьдати яракьнахьди ваъ, хъа мютӀюгъ даршлу гъалйир ккидирчру Аллагьдин яракьнахьди дяви гъабхурча

Лука 22:42

– Адаш! Эгер Увуз ккундуш, Узхьан гьаму аьзабнан зах гьадабгъ! Вушра Йиз ният ваъ, хъа Явуб гъит ибшри.

Матта 26:42

Хъана, гьудучӀвну, Думу кьюбпи ражарира ккарагуру: – Я Адаш, эгер Узу му аьзабнаккан ккадауб мумкин дарш, Яв гаф тамам ибшри.

Коринф-2 6:7

гьякь гафнаъ, Аллагьдин кьувватнаъ, гьякьвалин яракь гагул ва арччул хилиъ,

Югьан 18:36

– Йиз Паччагьлувал му дюнʼяйиан дар. Эгер Йиз Паччагьлувал гьаму дюнʼяйиан вуйиш, Йиз гъуллугъчйири, Узу жугьдарин хилиъ адрахъбан бадали, чпихьан шлуб апӀидийи. Ваъ, Йиз Паччагьлувал мушвʼан дариз, – гъапи Исайи.

Югьан 17:24

Я Адаш! Узуз ккундузуз, Уву Узуз тувдар Узу шлушваъ Узухъди духьну. Гъит дурариз Уву Узуз туву Йиз ад рябкъри. Фицики дюнʼя арайиз хайиз Уву Узу ккун гъапӀунва.

Лука 12:30

Гьаз гъапиш вари гьамрар му дюнʼяйин аллагьсузари агури шулу; хъа ичв Адашдиз учвузра дурар лазим вуйиб аьгъя.

Паччагьлугъар-2 16:10

Амма паччагьди гъапи: – Учвкан фу апӀуза, Церуяйин баяр? Эгер дугъу агьрар апӀураш, дугъаз РАББИЙИ гъапну «Давуддиз агьрар апӀин», хъа Шимейиз шилхьан пуз шулу: «Уву мици гьаз апӀурава?»