Югьан 17:8 - Гирами Китаб

⁸ Уву Узухьди гьау гафар, Узу дурарихьна тувунза ва дурар дурари кьабул гъапӀну. Узу Увхьан дуфнайивалин дурар якьинтӀан гъавриъ ахъну ва Уву Узу гьаувалихъ хъугъну.

Югьан 17:8 Referans Kwoze

Югьан 17:14

Узу Яв Гаф дурариз улупунза, гьаддиз му дюнʼяйи дурар даккун гъапӀну, гьаз гъапиш дурар му дюнʼяйиан даруган, Узу му дюнʼяйиан даруганси.

Югьан 15:15

Сарун Узу учвуз Йиз гъуллугъчйир пну дих дарапӀарза – гъуллугъчийиз чан аьхюри гьапӀраш аьгъдар аьхир. Узу учвуз Йиз дустар пну дих апӀураза. Йиз Адашдихьан аьгъю гъапӀуб, Узу учвуз вари ктибтунза.

Югьан 16:30

Увуз вари аьгъюбдин учу гьамус гъавриъ ахъунча. Увхьан гьерхайизра кмиди Уву жавабар туврава. Магьа гьаддиз Уву Аллагьдихьан дуфнайибдихъ хъугърача.

Югьан 16:27

Ичв Узухьна вуйи ккунивализ дилигну ва Узу Аллагьдихьан дуфна кӀури ичв хъугънайивализ дилигну, Адашдиз Чаз учву ккунду.

Фессалоник-1 2:13

Хъана учу Аллагьдиз зат сикин дарди баркаллагь кӀурача, гьаз гъапиш учву учкан гъеебхьу Аллагьдин Гаф гьаци, адмийин гафарси ваъ, хъа дугъридан гьякь Аллагьдин гафси ва учвуъ, хъугърудариъ, ляхин гъабхурайи кьувватси кьабул гъапӀунчва.

Югьандин-1 4:14

Му вари учуз гъябкъюнчуз ва Адашди Чан Бай дюнʼя уьбхюз гьаувалин шагьидар гъахьунча.

Югьан 17:21

Гъит дурар вари саб хилди ишри, Уву Узуъ фици шулаш, хъа Узу Увуъ фици шулаш, гъит гьадрар Ухьуъ ишри. Ва гъит дюнʼяйиз Узу Уву гьаънайивал аьгъю ибшри.

Югьан 8:42

Исайи дурариз жаваб туву: – Эгер ичв адаш Аллагь вуйиш, учвуз Узу ккунди хьидийчвуз, фицики Узу Аллагьдихьан гъафир вуза ва Гьадгъахьна гъягъюраза. Узу Узхьан дуфнадарзаки – Гьадгъу Узу гьаъну.

Югьан 14:10

– Узу Адашдиъ, Адаш Узуъ айибдихъ уву хъугърадарна? Узу учвуз кӀурайи гафар Узхьан кӀурайидар дариз, хъа дурар кӀурайир Узуъ айи Адаш ву, Чан ляхнар апӀурайи.

Югьан 12:49

Фицики Узу Йиз Узхьан гъапиб дариз – му Узу гьау Адашдин, Узуз вуйи амур ву, фу кӀуруш ва фици кӀуруш.

Югьан 6:68

– Агъа, – жаваб туву Симон Петри, – учу шлихьна гъягъидихъа? Зат ккудудубкӀру уьмур тувру гафар Увухь хьавухь.

Насигьятар 1:3

ужуб уьмрин, гьякьвалин, дугъри суддин, дюзвалин къайдйир дисуз;

Фессалоник-1 4:1

Аьхиринишвʼин гъардшар, учу учвуз Аллагьдиз ккунидарси яшамиш хьуз улупганси, гьамусдихъантинара гьаци яшамиш хьуб учвкан Агъа Исайин ччвурнахъан ккун апӀурача. Учву гьамустӀанра гьаци яшамиш шули ачва, хъа вушра, хъана артухъ ужуйи яшамиш хьуз чалишмиш йихьай.

Коринф-1 15:1

Гъардшар, узу учвуз дебкку, учву кьабул гъапӀу ва мюгькам хьуз гъиту Ужувлан хабар ичв кӀваина хуз ккундузуз.

Югьан 17:23

Узу дурариъ шулаза ва Уву Узуъ шулава. Гъит дурарра ижмиди сабхилди гъузри! Ва гъит дюнʼяйиз аьгъю ибшри Узу Уву гьаувал ва, Увуз Узу ккуниганси, Увуз дурарра ккунивал.

Югьан 17:18

Уву Узу дюнʼяйиз фици гьаънуш, Узура дурар му дюнʼяйиз гьаунза.

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Насигьятар 8:10

Йиз насигьят заанди бисай арстӀанна, аьгъювалар – зина ву багьа гъизилтӀанна.

Коринф-1 11:23

Фицики узу учвуз улупуб, Чахъан, Агъайихъан гъудубгъуб вуйиз: Агъа Исайи, Учв масу туву йишван, суфрайилан уьл гъадабгънийи,

Югьан 3:33

Дугъан гафар кьабул апӀурайир гьякь Аллагь вуйивалихъ хъугъра.

Югьан 3:17

Аллагъди Чан Бай дюнʼяйиз, дидин диван апӀуз ваъ, хъа Гьадгъулантина дюнʼя дюбхну хьуз гьаъну.

Насигьятар 1:23

ИлтӀикӀай узу кирчу тахсрарихьинди – йиз кӀван хазна учвуз тувдиза йиз гафнакан учвуз хабар дебккдиза.

Насигьятар 4:10

Хъебехъ, жан бай, йиз гафар кьабул апӀин – ва ярхи хьиди йисар яв уьмрин.

Насигьятар 2:1

Йиз бай, эгер уву кьабул гъапӀиш йиз гафар ва гъюрхиш гъянаъ йиз насигьятар,

Югьан 17:3

Хъа гьаргандин уьмур – му Уву, сар вуйи, гьякьлу вуйи Аллагь, ва Уву гьау Иса Месигь аьгъю апӀувал ву.

Ачмиш 1:1

Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.