Югьан 17:11 - Гирами Китаб

¹¹ Узу сарун му дюнʼяйиъ гъузрадарза, Узу Увухьна хътакураза, хъа дурар му дюнʼяйиъ гъузра. Эй гирами Йиз Адаш! Яв ччвурнан кьувватниинди – Уву Узуз тувунва гьадму ччвур – дурар уьрх, Увуна Узу сар вуйиганси, дурарра сарси хьпан бадали.

Югьан 17:11 Referans Kwoze

Матта 6:9

Гьаддиз гьамци ккарагай: «Я аьршариъ айи ич Адаш! Яв ччвур гирами ибшри.

Насигьятар 18:10

РАББИЙИН ччвур – зурба чӀвурд: гьякьлур душваъ гьитӀикӀиди ва хьибдар дисуз.

Жугьдариз 9:24

Гьаддиз Месигь, инсанарин хилариинди дапӀнайи ва гьякь гирами Чадрин сиринтӀан дару жилин Чадриъ учӀвнадар, ваъ, Думу, Аллагьдин улихь ухьхъанди гаф кӀури, гьадму аьршариъ учӀвна.

Эфес 4:4

Рюгь сар ву, Месигьдин беденра саб ву ва, гьадрарси, Аллагьди учвуз дих дапӀнайи умудра саб ву.

Филипп 2:9

Гьаци хьузди Аллагьди Думу варибдин зиина за гъапӀну ва ччвурра Дугъаз варидаринтӀан заан вуйиб тувну –

Югьан 17:25

Эй гьякьлу вуйи Йиз Адаш! Дюнʼяйи Уву аьгъю гъапӀундар, Узуз Уву аьгъязуз, хъасин Узу Уву гьауб дурариз аьгъю гъабхьну.

Югьан 13:1

Жугьдарин Пасхайин машквар багахь шулайи. Исайиз, Чав му дюнʼя дипну, Адашдихьна хътакру вахт улубкьнайиб аьгъяйи. Му дюнʼяйиъ Чандар вуйидар Дугъаз ккундийи, ва гьамус Дугъу дурарихьна вуйи Чан масанвалин кьувват улупуз гьял гъапӀнийи.

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Югьан 16:33

Узу му гафар, Узуъ учву мясляаьт абгри пну, гъапидар вуйиз. Му дюнʼяйиъ учвуз дердер алахьидичвуз, аммаки миж макадабтӀанай: Узу му дюнʼяйиин гъалиб гъахьунза.

Югьан 14:20

Ва гьадму йигъан учвуз аьгъю хьибдичвуз, Узу Йиз Адашдиъ шулайиб, учву – Узуъ, хъа Узу – учвуъ.

Ягьудайин 1:1

Иса Месигьдин гъуллугънаъ айи Якьубдин гъардаш Ягьудайи Адаш Аллагьдиз масан вуйи ва Иса Месигьди уьрхюрайи дих дапӀнайидариз саламар хътаура.

Югьандин-1 5:19

Гьеле вари дюнʼя иблисдин гьюкмикк ккашра, ухьу Аллагьдиндар вуйиб аьгъяхьуз.

Якьубдин 4:4

Дюз дарудар, учвуз аьгъдарди айчвуз, гьаму файдасуз дюнʼяйихъди хьувал – Аллагьдихъди апӀурайи дяви вуйиваликан? Шлиз гьаму файда ктру дюнʼяйихъди дуст духьну ккундуш, думу Аллагьдиз душманди удучӀвура.

Ляхнар 3:21

Думу аьршариин Аллагьди Чан марцци пайгъамбрарин мелзналан дупнайи вари ляхнар тамам апӀайизкьан гъузди.

Югьан 13:3

Хябяхъдин уьл ипӀру вахтна Исайи, Адашди вари Чан хилиъ ивнайиб аьгъяди ва Учв Аллагьдихьан дуфнайиб, Аллагьдихьна хътакурайиб аьгъяди,

Ачмиш 4:8

Гьадму юкьрид гьяйванатарстарик гьарсардик йи-йирхьуб хлинцц кайи. Хлинццар вари терефарихъанди: айтӀандира, зиъландира – уларихьди алацӀнайи. Юкьрид гьяйванатарстари, зат дийийигъди, йишвнура ва йигънура гьарйир апӀурайи: «Гирами, гирами, гирами ву Агъа Аллагь вари хилиъ Дибиснайир, гьарган Айир, Гъахьир ва Гъюрур!»

Петрин-1 1:5

Учвуз, ичв хъугъувализ дилигну, Аллагьдин кьудратнакк ккайидар, гъиямат йигъахъна аьхиримжи вахтари ачмиш шлу уьрхювал рубкьидичвуз.

Галат 3:28

Сарун жугьдаринна жара миллетарин фаркьлувал имдар, лукӀранна азад вуйирин фаркьлувал имдар, жилижвуванна дишагьлийин фаркьлувал имдар. Гьаз гъапиш учву вари, Месигь Исайихъди саб вучва.

Коринф-1 1:10

Ихь Агъа Иса Месигьдин ччвурнахъан, гъардшар, учвуз миннат апӀураза, чиб-чпихъди вари рази духьну гъузай. Гъит учву чиб-чпихьан жара даришри, фагьмар ва фикрариъ саб ишричву!

Рим агьларихьна вуйи кагъаз 12:5

Гьаци ухьура вари Месигьдихъди саб беден вуди, дидин паяр вухьа.

Рим агьларихьна вуйи кагъаз 9:17

Гирами китабариъ дупнайиси, Аллагьди Египетдин паччагьдиз гъапну: «Увлантина варидариз Йиз кьувват улупбан ва Йиз ччвур вари дюнʼя вуйибси рабгъбан бадали, увкан паччагь ктаур Узу вуза».

Югьан 16:28

Узу му дюнʼяйиз Адашдихьан гъафунза ва гьамус, дюнʼя дипну, Дугъахьна хътакураза.

Югьан 7:33

Гьадму вахтна Исайи халкьдиз кӀурайи: – СацӀибсана Узу учвухъди гъуздиза, хъасин Узу мина Гьаурихьна хътакидиза.

Матта 10:16

Магьа Узу учву жанаврарихьна гьаърайи марччарси гьаъраза: битӀарси фагьумлудар ва луфарси аьмал кадрудар йихьай.

Матта 5:48

Гьаци вуйиган, ичв Аьршарин Адашси, тамамлудар йихьай.

Ачмиш 19:12

Дугъан улар убгурайи цӀаси ву, Дугъан кӀулʼин гизаф тажар ал. Дурарик, Дугъаз ЧазтӀан гъайри, саризра аьгъдру ччвур дибикӀна.

Ачмиш 15:4

Шлиз, Агъа, Увхьан гучӀ хьибдар, ва шли Яв ччвур адлу апӀидар?! Гьаз гъапиш Уву сар вува, Гирамир! Ва Яв улихь дахьди икрамназ! Гьаз гъапиш Яв гьякьвал ачухъ гъабхьну!»

Ягьудайин 1:24

Учву алдакуз Гъидритруриз, Чан улихь учву марцциди ва лап шадди дерккуз Шлуриз –

Югьандин-1 3:12

Ухьу иблисдин тереф дибисну, чан чве йивну гъакӀи Каиндиз ухшар духьну ккундар. Дугъу думу гьаз гъакӀну? Гьаз гъапиш дугъан ляхнар писдар вуйи, хъа чан чвуччвун – ужудар.

Югьан 17:6

Уву, му дюнʼяйиан адагъну, Узухьна туву адмийириз Яв ччвур ачмиш гъапӀунза. Думу адмийир, Явдар вуйидар, Уву Узуз тувунва. Дурари Яв Гаф гъюбхну.

Югьан 17:23

Узу дурариъ шулаза ва Уву Узуъ шулава. Гъит дурарра ижмиди сабхилди гъузри! Ва гъит дюнʼяйиз аьгъю ибшри Узу Уву гьаувал ва, Увуз Узу ккуниганси, Увуз дурарра ккунивал.