Югьан 16:7 - Гирами Китаб

⁷ Хъа Узу гьякь кӀуразачвуз: учвуз ужʼвал бадали гъяраза. Эгер Узу дурушиш, Хъюгърур учвухьна гъидар. Хъа Узу гъушиш, Думу учвухьна гьаъдиза.

Югьан 16:7 Referans Kwoze

Югьан 14:26

Узу бадали Адашди учвуз гьаърайи Хъюгърури – Гирами Рюгьну учвуз вариб улупиди ва Узу учвуз гъапиб вари кӀваин апӀидичвуз.

Югьан 15:26

Саки учвухьна Хъюгърур гъафиган, яна Адашдихьан гъюрайи Гьякьнан Рюгь, Узу учвухьна Адашдихьан гьаъдиза – ва Думу Йиз шагьид хьиди.

Рим агьларихьна вуйи кагъаз 8:28

Ухьуз, Аллагь ккунидариз, Чаз ккуниси Дугъу дих гъапӀдариз, вариб ужувлаз ачухъ шлуб аьгъяхьуз.

Ляхнар 2:33

Гьамус Думу аьршариин Аллагьдин арччул хилихъ деъна. Дугъу Адашдихьан тувурза дупнайи Гирами Рюгь кьабул гъапӀну ва Гьадму, учвуз рябкъюрайиси ва ебхьурайиси, учʼин улурзну.

Югьан 7:39

Исайи гьамци Гирами Рюгьнакан гъапнийи. Думу Исайихъ хъугънайидариз рукьиди. Думу вахтназ Гирами Рюгь мегьел тувну адайи, гьаз гъапиш Иса сабан Аллагьдин аднаъ ахънадайи.

Лука 24:49

Хъа Узу Йиз Адашди учвуз тувурза дупнайиб гьамус тувдизачвуз. Учву, аьршариан учвухьна кьувват рубкьайиз, Ерусалим шагьриъ гъузай.

Ляхнар 10:34

Гьадмуган Петр дурариз кӀуру: – Дугъриданна аьгъю гъабшизуз, Аллагь адмийирин машназ дилигрур вуйиб.

Югьан 14:28

Узу учвуз «гъягъюраза» гъапиб учвуз гъеебхьунчвуз, ва: «Узу учвухьна хътакидиза», гъапнура вуза. Эгер учвуз Узу ккундийиш, Узу Адашдихьна гъярайибдиин учву шад хьидийчва, фицики Йиз Адаш УзутӀан артухъ ву.

Югьан 14:3

Узу гъушиган, учвуз йишв гьязур апӀидиза. Узу наан шулуш, учвура гьадушваъ хьпан бадали, Узу хътакидиза ва учву Узухьна гъахидиза.

Лука 9:27

Гьякьди кӀуразачвуз: мушвʼин дийигънайидарикан сакьюдариз, чпин аьжал хъубкьайиз, Аллагьдин Паччагьлугъ рябкъиди.

Лука 4:25

Дюзди кӀуразачвуз: Израилиъ Илʼясдин девриъ, шубуд йисанна йирхьуб вазлин арайиъ мархь адарди гъабхьи вахтна, гизаф ачӀни дишагьлийир гъахьнийи, фицики вари жилиин аьхю гаш алабхънийи.

Коринф-2 4:17

Фицики ич пчӀу ва вахтназтӀан дару аьзабари учуз артухъ ва гьаммишандиз вуйи адлувал хура.

Югьан 16:8

Дугъу, гъафиган, дюнʼяйин агьлариз дурар гунагьвалин, дугъривалин ва Аллагьдин суддин дюзди гъавриъ адрувал улупиди.